باللجهة العراقية ((الرغيـــــــــــــــــف)) عوز وجفوف ألأرامل لابـــــــــــدات ليل بي غيره ستر طول المره جفوف ماخذهه الكصر مسهه الحياء وياهه ماترهم الجدوه مخــدره مرّه تمتد لليمر لو صاح هــــــــــاج تمتد بواهسهه بس تتعـــــــذره ويمشي عنهه وترجع البيت الزغـار تلكه كدرين الشرف متهــــدره نعش بسمتهه تشيعه ويالـــــــدموع وبنت للضحكات عالخد مقبــره الباب من يندك سترهه يصير سيف وصوت سكتتهه اليجيهه يفسره وتطلع وتلكه الخبز عالعتبه حــــار تكول ياهو بجوعنه الحس ودره بس تشم أبابهه ريحت ضريـــــــح ومن تشم خبزه تعرفه حيـــــــدره رغم سبع أشواط بيهه العوز طاف بس فلا خلاهه لحضه محيــــــــره يفور بيهه الشرف جن دلّه عله نار وفرض عفتهه ألآذان يكبـــــره بيه هيبه يعجز يمايلهه ريـــــــــح مهره حافر حيلهه أيفج الثـــره تطر جوع الفقره وبهيئت رغيف ومن قيود الجدوه أديهه محـرره يخشع الملكوت لو مرّه الــــدعاء عرج والساك العرش منهه سره لمن تدعي جفوفهه أزاحم الغيــم وترد مليانات سفره معمـــــــره تنطي قوت أيتامهه الحلك الفقيـر واليتامه أبابهه منضمه الســــره غيمه تكطر خير ومروه وعطاء من مسامات الأمل حبهه جـــره يشب بيهه الضيم ورقه بحضن نــار وكسر خاطرهه القناعه تجبره تنطي كل خطوه درس يمليي الكتاب مثل فدعه تنعد آية مفخــــــره بنت أبوهه حرّه تربايت مضيـــــف بين كل العرب ضلّت مأثـره ((الشاعر صلاح العرداوي)) جمهورية العراق محافظة النجف الاشرف 07802330558
