آهِِ يا شات فيك آهات وفيك شجن وفيك عذاب ومعاك محن
فيك الكلام خد وهات
وفيك اللى رجع ذكريات
وفيك إناس صابهم عفن
————————
آهِِ يا شات
تدخل عليا من سكات
من غير احم تبدأ نكات
لو جيت فى لحظة اطنشك
او جيت فى نكته اقفشك
تقول عليا ابن الزوات
————————
آهِِ يا شات
تدخل عليا بدون ميعاد
وتقول كلام كله معاد
هو انت فاكر وقتى ليك
امامى بنت والاصل واد
————————–
آهِِ يا شات
قول كلامك قول يا اخينا
الرحمة حلوة حس بينا
هو انت فاكر انا بس ليك
شوية ليك وشوية لينا
————————-
آهِِ يا شات
ابدأ حوار انهى حوار
وف لحظة واحده اخد قرار
انت فاضى ومن جوه فاضى
واخدها لعب وفيك هزار
يبقة وجودك اساسه عار
—————————
أهِِ يا شات
مين شتتك
فيك اللى ياخد ما عنده هات
وفيك اللى يغدر كده من سكات
وفيك اسامى بشكل تانى
تقعد تفسر الوقت فات
————————–
آهِِ يا شات
قرفت منك ومن عمايلك
خلاص نسيتك ومش هاحيلك
ابعد وغور سيبنى فى حالى
مش كل مرة تلاقينى جايلك
——————————-
آهِِ يا شات
لا فكرى فيك ولا فيك حياتى
حتى اللى كان فى فكرى مرة
لو دق بابى هيشوف سكاتى
خلاص قفلتك باى باى يا شاتى
==================
\\\\ عونى هشام\\\\
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
