الإسم / إسلام كرم عبدالمحسن المعداوى ( إسلام المعداوى )
البلد / المنوفيه – مصر
تليفون / 01061270155
شعر عاميه
عنوان النص ” قصيدة .. ” الشهيد عمر الفار “
عارفين أنا عن مين
هحكيلكوا يا ساده
عن حد قالوا عليه
دى مصر ولاده
كان باقى على فرحه
حوالى كام شهر
كان جهز الشقه
وجاب كمان المهر
إتحايل عليه أهله
يفوت مكانه أوام
لكن شجاعة البطل
كانت أقوى م الألغام
عارض أبوه وأمه
والجبن والأوهام
جهز فى يوم عدته
وشال سلاحه أوام
وراح على قاعدته
وفى يومها جاله الأمر
طلبوا الوطن يحميه
ويمحى عنه الشر
لبى البطل للندا
وقال أنا سداد
مين غيرى يحمى البلد
م الجُبنه والأوغاد
وفى يوم من الأيام
جالنا خبر معتاد
كان إسمه أول إسم
فى كشف الإستشهاد
وفوق رخامه كانت هتبقى
يوم علامه فى شقته
كتبوا إسمه بعد لقبه
وإتعلقت على تربته
إسمه النقيب البطل
عمرو محمد الفار
كان نفسه عمره يطول
ويحمى البلد م النار
كل البنات كان نفسهم
لو يخطفوا ننه
لكن النجوم فى السما
أقرب لهم منه
وعشان كلاب الأرض
مراعوش يا ناس سنه
طفوا النجوم إللى
تملى منوره كتافه
لحظة ما جاه الموت
إبتسم !!!
مـ إللى هناك شافه ..
إستكتر فيه الفرحه كلاب
كانوا فاكرين النصر بموته
نسيوا إن شهادته دى باب
ودى حكمة الله فى ملكوته
باب السما مفتوح إدعوله
قولوا يارب دا عاش إنسان
وأما فى يوم يوحشكوا نادوله
هتلاقوا الرد من القرآن
وهتشموا ريحته
فى توبه وأودته
والهدمه إللى سابها
عشان لسه خضرا
وهـــتحسوا إنه
معاكـوا ولــكنه
سبقـــكم بجسمه
لكن روحه حضرا .
