ط
مسابقة الشعر العامى

الصورة المهجورة . مسابقة الشعر العامى بقلم / محمد ظريف محمد من مصر

مسابقات مهرجان همسة الدولي لعام 2016
الاسم /محمد ظريف محمد
الدوله/جمهورية مصر العربيه
ت / 01008889928
فئة الشعر /قصيده عاميه
العنوان /الصوره المهجوره

الصوره المهجوره
بتاعة حلمي زمان
والباينه طشاش
من حارة درب النسيان
برواز متعلق ف الخيط
وبيشبه حب الرمان
كل الشخابيط اللي ف قلبه
بتزود حالة التوهان
باليل تتلم العفاريت
وتفض البيت العمران
وف حضرت كل التوابيت
الاسود ديما”كسبان
صرصار بيخبط ع الحيط
ويفرفط زي الغرقان
في معاده نفس التوقيت
بيصحي القلب النعسان
علي شط بحور الحواديت
بيعوض نقص وحرمان
مش قصة خاتم وخطوبه
ولا عقد مرصص مرجان
مقرية الصوره ومحسوبه
علي دقة قلبي الغلبان
واكمنك يعني مرغوبه
قالو بطلك لازم يتهان
والناقه الحمرا المطلوبه
والساكنه ف قصر النعمان
دهاليز مبنيه ومخلوق
مخصوص لمزاج السلطان
ولاحدش ابدا” يوصلها
حتي اللي معاه العنوان

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى