اللى قالوا
اللى قالوا عليكى عظيمه
دول كدابين
من غيرك الدنيا مالهاش قيمه
ورب العالمين
**********
انتى النهر اللى بيروى
العالم حب وحنان
وانتى النار اللى بتشوى
وتطهر قلب الجبان
لو عيشت عمرى اوصف فيكى
سنين عمرى ماتكفيكى
لو مش حرام لاسجد ليكى
واقول وراء كل كلمه امين
**********
اللى قالوا عليكى عظيمه
دول كدابين
**********
مين اللى يقدر يوصف مصر
واسمها اجمل الاسماء
الله عليها ساعة العصر
زى القمر كده فى السماء
وشمسها ساعة الغروب
من شهد نيلها تاخد مشروب
تروى بيه كل القلوب
يبقى مين زيها مين
**********
اللى يقولوا عليها عظيمه
دول كدابين
*********
الجنه هنا فى ارضها
والله ذكرها فى اياته
عشان كده بنحبها
وختارها المسيح فى حياته
شوفوا حكمة ربها
قال لمريم وابنها
مصر مافيش زيها
ادخلوها ءامنين
**********
الله قالوا عليها عظيمه
دول كدابين
