ط
مسابقة الشعر العامى

الله أكبر ودايما معاكى يا مصر.مسابقة الشعر العامى بقلم /  مصطفى الشحات صوار

 مصطفى الشحات صوار
الإسماعيلية -فايد
الإسم على الفيس بوك
(مصطفى صوار)
01229693079
01146378440
خاص مسابقة الشعر العامى
(الله أكبر ودايما معاكى يا مصر)
ــــــــــــــــــــــــــــــــــــــــــــــ
الأَلِف كانت أول حروف الكلام
والام كانت إمام بيصلى على الجبهه
وتانى لام كانت قبله للأحرار
أبطال تتوضى بترابها
جنود بتحرص وطن وعرق الوفا ممدود
والهاء كانت بتجمع إسم الجلاله
كما العٌباد فى محرابها
وتانى ألف كانت وراها الكاف
كما المجداف
بيعدى خط النار
أحرار بترسم حدود الوطن
بتواجه الإعصار
والباء كانت بلاء بيحط على روسهم
الإسم زلزل نفوسم
بأمر م القهار
الراء كانت رضا للفراحنين بالموت

لجل الوطن ما يعيش
الصحبه والدراويش واللمه والحرافيش
مستنظرين النصر
الله أكبر ودايما معاكى يا مصر
جند الإله حضروا
ومحَوَطين الزفه
الموت فى كفه والوطن فى كفه
والدنيا لفه بالأسى للعادى
صوت النشيد إرتفع
والنصره لبلادى
هلل يا دم الشهيد حقك رجع ليك
ونيشانك خريطة وطن
تبوس وتحضن فيك
عمر العرق ما يروح
ولا يوم يروح الدم
الموت أهم
لو هيحصد نصر
الله أكبر دايما معاكى يا مصر
يوم سِته هيفضل فى التاريخ أيه
محفوره فوق جبين الوطن والعادى
الحر يرفع فيها العلم وينكسه العادى
عشقك بلادى فاق كل غايه
فضوا الوصايه م الشبعانين كبر
الحلم حبر على الورق مكتوب
كشفو الولد وبين الملعوب
صبحوا سبايا متربطين م الخصر
الله أكبر دايما معاكى يا مصر
الله أكبر على العلم كتبوها
والنَصره زفه وملايكه بيحوطوها
وأرواح نازله م السما بتفرق الشربات
وأرواح شهدائنا قاعده فى الكوشه بيزفوها
قداس بيضرب جرس ويا أذان العصر
الله أكبر ودايما معاكى يا مصر
الفرحه عامه وربوع بلادنا منوره أناديل
الزفه طالعه بالغنى و بالفرح والمواويل
والركب راجع من نواحى الشرق
مليون ألف فرق بين الحق والتضليل
مليون ألف فرق بين الخضوع والنصر
الله أكبر دايما معاكى يا مصر
الله أكبر ع الوالد لما قال راجعين
نحضن رمال الوطن نحميها م الطامعين
ربك كتبله الأمل فى لحظة رضا شافه
بالنصر حمل كتافه لأنه م الساجدين
يا كل جيل جى وكل جيل طالع
سلمنا ليكوا الرايات مجداف ومقالع
رسوا سفينة البلد على كل بر أمان
ووعاكوا غدر الجبان والعادى و الطامع
وأخر كلامى سلام على جناح الحمام كاتبه
وأرفع إيدى تحيه للشاره فوق كتفه
جندى وضابط بطل حموا التراب والعرض
الشكر فرض والنصر عرض والأرض أرض
وكل اللى داق حضن الوطن عارفه
ومحزمه ع الخصر
الله أكبر دايما معاكى يا مصر
الله أكبر دايما معاكى يا مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى