قصيدة : المشاعر أصل الغنا
الاسم عمرو حسين احمد على
مصر رقم الهاتف 01140868090
Mail:[email protected]
ما تبطليش فى الدنيا دى الغنا
غنى فيها لحبنا غنى فيها ليا أنا
لمسنا فيها نجوم السما بالإيد
كتبت فيك الشعر دواووين
زرعنا الدنيا شجر فى الميادين
ولما قابلتك مشينا فى ليلة حنين
شفت معاك ولد بيلعب بجيتار
عزف قصتنا على الأوتار
لحن جميل ما كانش طويل
قال فيه أوعو البعد أوعوا البعد
أصل البعد دا هجر ونار
واللى يغيب مالوش أعذار
أنت الليلة فيها أميرة
والناس كتيرة كانت حوالينا
فيها لقينا ولد بيسرح ببليلة
بليلة ياهانم بليلة يا بيه
خدى منى يارب تبقى ليه
أكلنا بليلة فى أجمل ليلة
شفنا القمر عليه أسامينا
والنيل بيجرى بين إيدينا
مشينا شوية مالت عليا
لقيت ايديها ماسكة ايديا
غنت لى أحلى أغنية
رقصت فيها بسحر عينيها
وهى فى الدنيا أحلى مافيها
وهنبقى سوى وهتبقى الحياة هنا
ونسيب الأرض ونعيش فى السما
وولادنا تاخد نص منك ونص منى أنا
وسافرنا وحلمنا ورجعنا من ليلة
غنيتى فيها لحبنا فما تبطليش
فيها الغنا
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
