خاص بالمسابقة
—————–
الاسم جهاد محمود كامل ابو نوارج
الشهرة جارديانا النيل
محافظة دمياط _ مصر
01143222020
الفئة شعر عامى
———-☆
مونولوج
النت جناية
————————
على باب الفايسبوووك
تقابلنا ياما وشووووش
فيها الغاوى التوك talk
و التانى اللى معندوش
بروفايل زى……. الغمة
راجل أو ست دى تهمة
متخفى عشان.. يتسلى
و الهانم سكنة فى ضلة
بتقاوم مليون …… علة
ندخل جوا فى …الفيس
نلقاه مليان …احاسيس
من كاتب لسة …بيحلم
عامل فنان …. و بيفهم
الحب عنده….. قصيده
زى غناوى بركات ملحم
و جميلة هنا … بتتظلم
من واد عايق …..بيرخم
سهران الليل …… يتعلم
و حزين ناصب لنا..ميتم
و السر جوة …الكواليس
صفحات مفتوحة للتوهة
و غرام أشواقه.. مشبوهة
و خطاوى شايلة.. الفتنة
و تصدق حتى …الكدبة
من أول كلمة ..دوووت.
على شط الإنترنت
ياما قلوب نزلت بحره
غرقت و رماها….. لبره
بملاوعة قلب ما يرحم
يسقيها المر و …..شره
بلطية مالت و إتجنت
بغرام قرموط متعفرت
و كابوريا ماشية تخبط
إصطادها بن….. الحوت
مراكبى جاى .. يتمرجح
من موج الفيس.. بيلوح
أصله غرقان …. متسوح
سكران عمال ….. يطوح
بإيدين الهوا….. مجروح
النت يا ناس… تواه
خدنا و عذبنا ..معاه
عفريت متعفرت جدا
و إحنا تايهين ….وياه
إبليس ملعون متملعن
دجال عامل ….متدين
بيجاوب أى….. سؤال
أصله بن حلال متعين
و الصدق عنده محال
و الصح لو …..طلبوه
تلقاه منه ……رحال
النت حكاية … رواية
حدوتة ما لها….نهاية
مليانة شرور و غواية
النادر منها ……الآية
يالا إعلنها………معايا
فليحيا……. الإنترنت
لو كان لعقولنا هداية
و ليسقط واد او بنت
لو خلو النت… جناية
اللى بيسرق باسورد
و حروف ارقام تتحط
منعرفش مقام أو بسط
و دا نت رمانا …..لشط
خلانا حروف …تتخط
و بقينا برا……… الخط
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
