هلى وافردى مساحات الشوق تملى طلى من ورد الرحله لموج امبارح للضله الطارحه فى عطفة روحى لسفاين عشقى وشوقى السابح قى بحار الانس الامس الطازج بنداوة قلب متيم فيكى بيكى تكتمل الغنوه وليكى اهديكى اراضيكى عنيكى فى اماسى الطلعه قد كانت فى غيطانى بتمرح ولا عانت ابدا ولا وردى بيجرح من فجر الضحكه للبسمه الراسمه والندهه الهامسه واللمسه بتفرق واللمحه بتغرق ف كيسان اللحظه افردى ملاياتك غطى بطرحاتك بناويت افكارك واقطفى من جارك ازاهير المتعه غطينى بشوقك دفينى بذوقك تهادينى اكتبلك تنادينى احلملك انا كنتك فكره كنتينى مغامره والقلب بيكتب والعشق بيرغب والمجد الطارح فى اشجار امبارح النخل بيهدى لعنيكى سلامه والزرع لايمكن يرجع فى كلامه والبحر بيركع والصحرا تهيم عناقيدك لسه طالعه بترانيم اغاريدك ايدك مواعيدك تسبح فى وريدك تكتبنى ولا بتغربنى ساعة ما اخشك ولا بتعذبنى فى غرابة ضيك انا كنتك فلك كنتينى نسيمى وارسملك ضلك تسرحى وتهيمى فتعالى نلالى او سافرى قبالى مطرح ماهاترسى تلاقيكى ف قلبى والقلب ياغاليه باشواق بيضمك
