اوعى تتكبر علينا
دانت مخلوق من تراب
ومهما طال العمر بينا
عايشين فيها زى السراب
***************
كلنا بنام فى مكان واحد
على التراب اللى جينا منه
الطيب جنب ابو قلب جاحد
ياريت الكبر تستغنا عنه
فوق مافيش وزير وخفر
ولا ع الصغير تعمل كبير
تنام ع الشوك او الحرير
كلنا والله فيه اغراب
***************
اوعى تتكبر علينا
دانت مخلوق من تراب
***************
ارجع لربك اللى عطاك
مال تترسم بيه ع الناس
وتذكر انى شوفتك هناك
فى بلاد بره شغال كناس
جى تعمل باشا على مين
على ناس غلابه ومحبين
كنت واحد منهم سنين
ياريت تقبل منى العتاب
****************
اوعى تتكبر علينا
دانت مخلوق من تراب
