قصيده...... بعنوان ... بابا الشهيد سايبنى يابابا ورايح فين بعدك يابابا أروح لمين ومين يواسى ومين يطبطب ومين يفرح قلبى الحزين .............. محتاجه اشوفك واحس بيك واشوف حنانك والمس ايديك يا اللى انت يا اللى جانبى تملى ولا غبت عنى وكل يوم كنت تلاعبنى وافرح معاك فرح السنين .............. ارجوك يابابا ارجع قوام سهرانه بعدك مش قادره انام ايه اللى شغلك يابابا عنى من يومين .............. انا نفسى اشوفك ارجع بقى محتاجه ليك متشوقه يا اللى ماليش حاجه تانيه بعدك غير صوره باقيه ودمعتين ........... وناديت لماما قلتلها اصحى انا عندى ليكِ كلمتين صحيت لى ماما وقوام باستنى وقالتلى خير يانور العين مال القمر سهران كده والدمعه ليه على الخدين ........... قلتلها فكرا ياماما بابا مش قال هيجى بعد يومين قالت لى بابا غصب عنه حب الوطن واجب ودين زيك كده وانت صغيره مصر كانت بتراعينا واحنا كنا صغيرين واللى غاب بكره هيجى مش هتفرق من يومين ........... سيبت ماما ورحت نمت واما نمت فى حلمى شوفت بابا راكب فوق حصان والحصان عمال بيجرى وناس كتير متجمعين ............. اللى يصرخ واللى يبكى وناس كتير عماله تحكى وهوا وحده اللى سعيد لما شوفته طلعت اجرى ابتسم لى من بعيد عايزه ابوسه عايزه اضمه بص لى كده من بعيد قال يابنتى ياحبيبتى بكره نتقابل اكيد .............. وصحيت من نومى لقيت فى لمه وناس كتير متجمعين وشالتنى ماما فى ودنى همست بابا يابنتى صار شهيد ............. قلت بس هو قاللى انه جاى بكره اكيد هو فين علشان ابوسه نفسى اشوفه من جديد ولقتنى ببكى وأقول ياماما يحيا بابا البطل يحيا الشهيد كلمات..... الشاعر محمد ثروت عبدالحفيظ
