قصيدة: يجرى إيه
كان إيه يجرى لو نبقى حبايب
نميل علي بعض ف الضيقة
نشوف الوقت اللي غايب
ف كل لحظة ودقيقة
تكون قريب وأكون قريبة
ونسيب البعد للغايب
نتكلم احكي لك عن آلمي
تبقى ليا النص الفاضل
ابقى شبهك وتبقى شبهى
وأبقى ليك النص الكامل
أحكي ليك عن كل وجعي
وابقى مطمنة وأنا بقول
وأبقى مشاركاك حزني وألمي
وكأنك آخر شخص ف الكون
اسرح بكلامي معاك
واحكي لك دايمًا بالساعات
نسهر مع بعض ف وقت الليل
نتكلم من غير أي وسيلة
نعيش كل لحظة حب جميلة
نبني بيت وأسرة وعيلة
فيها إيه لما تبقى معايا
ونعيش لحظات حب جميلة
يجرى إيه لما تبقى معايا
وأبقى ف كل خطوة ضلك
تبقى معايا طول الوقت
نتصور أنا وأنتَ كام صورة
نعيش أنا وأنتَ الذكريات
اتغاظ منك لو دايقتنى
بكام شات أو صورة
نعمل حساب بكره
منفكرش ف إمبارح
اللي فات نخليه ذكرى
إن كان حلو أو جارح
يجرى إيه لو نتسامح
نسمع بعض ف وقت الأزمة
ونداوي أي كسور
ولو زعلتك بدون ما اقصد
أداوي قلبك المجروح
فيها إيه لما تبقى النور
طريقي من غيرك ضلمة
ف كنت عايزاك أنت بجد
طريق ملهوش نهاية
أوله ضلمه وسواد
وآخره موت من الهَّد
فكرت مليون مرة
أنا مش عايزة حد
يا واخد كل إحساسي
مشاعري لسه بتندهلك
لو كان مره عقلك قاسي
فواحدة واحدة وعلى مهلك
لو ف يوم عقلك ناسي
فأنا قلبي لسه بيشتاق لك
فيها إيه لو يعنى الجأ لك
فيها إيه لما اسأل عليك
يجرى إيه لو مع بعض نعيش
تيجي على نفسك لما نتخانق
آجى على نفسى لما اكون غلطانه
أخاف عليك لو تفارق
تصالح قلبي وأنا زعلانة
أقابلك صدفة من غير معاد سابق
أشوفك ناسي أكون غيرانه
فيها إيه لو يعنى حب جنان
نبقى ف كل لحظة قرايب
وأشوفك مثلًا أكون فرحانة
يجرى إيه لو كملنا مع بعض
ولا القدر لعب لعبته
أشوفك مع واحدة تانية
وملامحك واضحة ف الصورة
يجرى إيه لو كنا مع بعض
واتصورنا أنا وأنت كام صورة
يجرى إيه لو كنا مع بعض
وبقينا مع بعض ف الصورة
يجرى إيه
#ياسمين محمود
الإسم: ياسمين محمود
الجنسيه: مصريه
العمر: 20 سنه
نوع الشعر: عامي
العنوان: مركز الواسطى بمحافظة بني سويف
الإسم: ياسمين محمود
الجنسيه: مصريه
العمر: 20 سنه
العنوان: مركز الواسطى بمحافظة بني سويف
