ط
الشعر والأدب

بحبك يامصر .قصيدة للشاعر / عبد التواب الرفاعى

عبد التواب الرفاعى
……………………………………….
بقطع في فروة
أبو اللي جابك
ومين اللي جابك
غير اللي جابنا
ومين اللي يقدر
ينكر صحابها
ومين اللي نفسه
ينكر نسبها
ومين ضحى ليها
ومين اللي سابها
بحبك كبيرة
وعاشق شبابها
بأشوفك أميرة
كل مناها
تفرش حصيرة
تجمع صحابها
ومين فينا طاغي
وهد بناها
ومين فينا عايش
لجل رضاها
ومين كل حلمه
تكون كل عرضه
وتبقى حياته
وقبلة لفرضه
ومين اللي ناكر
جميلها في مرضه
بحبك لجيشك
تاريخ النضال
يموت ع الحدود
أسود كالجبال
بحبك أميرة
واحبك سفيرة
وبعشق ترابك
على كل حال
بحبك بحبك
بحبك يامصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى