ط
مسابقة الشعر العامى

برغم المدامع . مسابقة الشعر العامى . بقلم / عدنان عبد المحسن على سنجر.مصر


عدنان عبد المحسن على سنجر
الزرقا دمياط جمهورية مصر العربية
مشاركاتى فى مسابقتكم الميمونة
برغم المدامع
برغم المدامع وألمى اللى دامع
مجهز لكفنه وشاقق حشايا
برغم المقامع وساكت وسامع
محضر لدفنه أقول دى البدايه
أربى وأكبر وللقلب أصبر
هيرجع حبيبى أكيد ف النهايه
وأشيل همى بإيدى وحاضن وليدى
مخبى دموعى وكاتم أسايا
حبيبى وحيدى يخلص لجيشه
يودع لأمه يسافر معايا
يحضر جوازه يجهز جهازه
نكمل حياتنا ونوصل لغايه
مسافر حبيبى لأجلن يعود
يودع زمايله يلملم جرايه
يسلم لمدفع يتمم بارود
يحصن لنفسه يعدل مرايه
شاويش أصله خارج واخدها بصمود
ده رمز الجدود لربى العطايا
واقف يدافع أسد م الأسود وحامى
الحدود يسلم لغيره يرجع هنايا
باقى لحبيبى يوم أو يومين
مفصل لبدله مجهز عبايه
لزوم القيامه ولأجل السلامه
هيعقد ونمشى يحقق منايا
قاعد متابع محنى الحضور
محضر مهور أكمل عشايا
شفت الدمار وحاسس بنار
وكم المرار وكابرة البلايا
رساله لعمده توضح حقيقه
ونفس الرساله تبلغ عزايا
إبنى اللى راجع مفروم ألف حته
مقطع لجته ده كومه ف ملايه
إبنى اللى راح وحق الصباح
ما هأسكت ولازم أبين خبايا
هأكون جد حازم وأجيب حقه لازم
وهأكتب ملازم وأعدد مزايا
وهأكتب بإيدى وأأبن وليدى
وأنشد قصيدى وهأحكى الحكايه
ليه إتقسمنا لقتل إبتسمنا
وفين المروءه وفين الهدايه
حقد وشماته وكم الغتاته
بنلعن لبعض ونظهر بلايا
وننزل نشارك ونبدأ معارك
ونضرب عيال ونهتك صبايا
وماحد عامل حساب للقانون
مال والبنون ونفرض جبايه
مادد له الإيدين وصابر سنين
برغم إن إنى قتيل الكمين ونفسى
الهدايه ونفسى نعود ونترك بارود
لمصر السلام لمصر التحايا
لمصر الخضوع لمصر إنحنايا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى