ط
مسابقة الشعر العامى

بلاد الحُب..مسابقة الشعر العامى بقلم / كرم شحات سليمان من مصر

كرم شحات سليمان // مصر
ت/ 01117255972 // 01278562741
شعر عامي // بلاد الحُب

بلاد الحُب دى بلادى
بلاد العشرة والطيبة
بنيلها الصافى والشافى
أمان الصٌغر والشيبة
بيروى قلوب بقاله زمان
وللعشاق أهم مكان
يرحوا لعَنده يتعاهدوا
يعيشوا العُمر حبْيبة
ببلاد الحُب

بلاد البسمة لما تبان
بتجرى تنور الخدين
وتجْلى العقل من عِنده
فيرحل كل حُزن لعين
ويهرب فجأة أى خصام
ف نرمى عتابنا ع الأيام
وترجع تانى لمتنا
رموش بالروح بتحمى العين
بلاد الحُب

وندعى للى خلق الناس
يديم الفرح والإحساس
على اللى يحب زيينا
ويملك نعمة الإخلاص
لشمس الدنيا وبلادى
حكاية عشق مش عادى
بتسكُن فينا وتعيشنا
مكانها العادى فوق الراس
بلاد الحُب

كرم شحات //

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى