ط
مسابقة الشعر العامى

بيقوللى وحشتك ..مسابقة شعر العامية بقلم / عزة فاروق سليم من مصر

خاص بالمسابقه الأسم : عزه فاروق سليم منسي نوع العمل شعر العامية
يقولى وحشتك
أل بيقولى وحشتك أل
طيب قول بأمارة أيه
طول العمر على دا الحال
أما أنا حبى احترت أداريه
وأنا عقلى مشغول البال
صعب عليه كتر الترحال
أيه أخرتها معاك قول أيه
قرب منى كمان يا حبيبى
وبلاش تسأل أى سؤال
دا ما فيش فايده من الأعذار
أل بيقولى وحشتك أل
طيب قول بأمارة أيه
قرب قول تعبان من أيه
بتبعد وتغيب كده ليه
وتقولى صعبه الأحوال
هوا الحب فى كتر المال
خايفه لبعده عليه يطول
أسهر أفكر فيه ومشغوله
حب غيرى طب ما يقول
عمرى ما أندم تانى عليه
أل بيقولى وحشتك أل
طيب قول بأمارة أيه
بكره الأيام تكشف سره
أيه مخبيه وأيه مداريه
نفسي انه بجرحى يحس
ويعرف انى أنا بس حبيبته
أنا خايفه بعدى يناسيه
حب العمر اللى غدر بيه
أل بيقولى وحشتك أل
طيب قول بأمارة أيه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى