ط
مسابقة الشعر العامى

تراتيل مشاعرك ..مسابقة العامية بقلم / أمل جاسر صيدم من مصر

الإسم / أمل جاسر صيدم
نوع المشاركه : شعر عاميه
البلد : جمهورية مصر العربية
عنوان النص : تراتيل مشاعرك
*************تـــراتــيــل مــشــاعــرك ********
*******************************************
تراتيل مشاعرك في الوجود آيه
تحي موات القلوب الحزينه
والكلمه من لسانك معجزه
وفنارها يهدي مركبي للمينا
وكأنه قلبك مفتاح المدينه
مش قابله أصنام الخداع
تمسح على خدي
ولا عايزه أكون
لحياتهم المهدي
عايزاك تكون لي يسوع
في عشاه الأخير
لو أحس يوم بالجوع
لو أتنفض كالطير
ألاقي إيدك ترقيني بالطبطبه
تكفر بغيري
لو طال ف يوم بُعدي
وإن شوفتني ممسوسه بغيرك
ترقيني بآيه من مصحف نبينا
وتصلي بينا ركعتين لله
يكفيني حبك يا آيات الطهر
والقلب وحده لو أكون مالكاه
وأنا ليك حكون هاجر
والسيده عيشه
حقبل أخوض الصعب
وأتحمل العيشه
وحدك قانون الحق
في عقلي وجنوني
وحدك فلك واسع
يجذب حدود كوني
يا دواية الحبر
في قصايدي والريشي
حكون كما ناعسه
لو كنت لي أيوب
حكون كما جولييت
لو قولت لي كوني
=================================
‫#‏أمل‬ صيدم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى