ط
مسابقة الشعر العامى

تسمحولى .زمسابقةشعر العامية بقلم / نجلاء احمد القط من مصر

الأسم.نجلاء أحمد أحمد القط
جمهورية مصر العربية الإسكندرية
رقم الهاتف المحمول ٠١٠١٥٠١٤١٠٤
قصيدتي بالعاميه
العنوان.تسمحولى

تسمحولى يا عرب…
أنعى الحضاره…..
واتنفى خارج حدود
طعم المراره
واشجب الصمت اللى بينكوا
صرخه فيكوا أنتوا فينكوا
تستجار الأرض منكوا
الوطن أصبح إماره
مماليك على عثمانيه
والشعر بقه علمانيه
تاهت الدوله الأبيه
إمتى تيجى بالبشاره
بالسياسه والنخاسه
جيبتوا للماضى انتكاسه
واما نتنفض إغاثه…..
كله يلجأ للسفاره
إنتهت خلاص دروسنا
لما ع العروبه دوسنا
تنحنى للغرب روسنا
وننطفى زى السيجاره
مجلس الأمن أستكن
وخسة اليهود تجن
واقف الأقصى يئن
ويلحقه طفل الحجاره
سوريا تصرخ فيا نار
والتخلى عنى عار
دمى جوه كل دار
ليا تار نبضه الشراره
ليبيا و اليمن الحزين
والعراق يشكى لمين
فين صلاح يا مسلمين
إمتى يدينا الإشاره
نصحى نطلع من قبورنا
نحيى ف المعموره دورنا
ف الأوول والسبق دورنا
والوطن يصبح مناره…….

نجلاء أحمد

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى