ط
مسابقة الشعر العامى

تعيشيلى ياامه تعيشيلى.مسابقة العامية بقلم / طه على الدين من مصر

خاص بالمسابقه
شعر العاميه..شعرغنائى
(تعيشيلى ياامه تعيشيلى)
طه على الدين..مصر
01025153277
#####
فى عيدك ياامه
بحس ب لمه
فى عز البرد تدفينى
و ف حضنك لما..
يخدنى بضمه
الدمعه تنزل من عينى
و تميل على كتفك راسى
و يرجع طفل(احساسى)
كأنه لا اتجوز و لا شاب
و لا قدر البعد يقسينى
ارسملك بوسه على جبينك
و انحنى على ايدك اوطيلك
عتابك يسبقوا غفرانك
تميلى عليا و تبوسينى
و بغصب تاخدنى تنهيده
ألعن بقسوه ف الغيبه
و صمتى يهمس لحنانك
همس حنانك يرقينى
تعيشيلى ياامه لحد مااموت
و تضلى قبرى ياشجرة توت
و بدعواتك بعد صلاتك
جوا قبرى تنجينى
تعيشيلى ياامه تعيشيلى.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى