ثابت وكله سكـــــــوت
ماسمعش ايها صوت
سمعنى اغلى سلام
علشان دى احلى ايام
==
اسف حصل لى ذهول
والعقل بات مشغـــــول
وعشان وابـــــــور الجاز
قلبـــــــى اشتغل هزاز
مش عــــارف اكتب ايه
انا اصــــلِ متلخبط
خايف اقول له كلام
اعُـــــــك واشخبط
زى ا ما اكــــون مشتاق
وف لحظه شوفت حبيب
من لـــــــوعة الاشواق
انا تُهت مـــــ المكاتيب
وقف القلــــم ع السطر
مستنى منـــــى الأمر
اكتب وحِشنى يا خال
وتملــــى جــــوه البال
يا مصــــــاحب الأجيال
بعـــــــدك بقينا فـــ مر
يا ابو كوشه مع كباس
والفــــونيه ليها مقاس
والابره جنب الــــــراس
حبـــــك دا اجمل سر
حقيقى صابنى جنان
اول مــــــا هـــــل وبان
خدنى الحنين لزمان
ازاى اسيبه وامــــر!!
لازم املـــــي العـــين
واقعــــد معاه ساعتين
الليله شــــوفت الزين
حبيبنا وعشرة عمر
