ط
مسابقة الشعر العامى

جرح فات..مسابقة شعر العامية بقلم / ولاء حجازى من مصر

المنزلة – محافظة الدقهلية
قصيدة عامية..شعر ولاء حجازى
(جرح فات)
كل واحد جوة قلبه ميت حكاية
جرح ساكن جوة منه م البداية
كل قصة فيها لسة م البواقي
وأما تفتح أي قلب يدوب تلاقي
كل حاجة فيها حاجة
والحكاية ناقصة حاجة
بس عمرى مااكون ضحية
أو عروسة ف مسرحية
ياحبيب قلبي ياغالي
إقتل الشوق اللي فيا
مش هعيش حب ف خيالي
وكل ثانية تفوت عليا
تقتل الحلم و آمالى
وتهون عليك دمعة عنيا
وب صراحة ياحبيبي
أى حاجة حلوة ليا
نفسي تكمل للنهاية
مش أعيد نفس الرِّواية
إكتفيت من ظنِّى فيك
وانت قلبك مش معايا
والعذاب جوايا باقي
هي دي أصل الحكاية
بردت جِوَّايا اشتياقي
وكل قصة فيها لسة
لسة ياما م البواقي
مهما قلت ياحبيبتى
جوة ف القلب اشتياقي
قلت هنسي الماضي لكن
جرحه باقي جوة لسة
قلت هنسي!!!
بس لسة فيك حنين
خفت تقسي ع اللي فات
ولا وحشاك السنين
اللي مالياك ذكريات
طب ماتنسي وروح بعيد..
ذنبي إيه أنا بس قولى
مُري ف وجودك يزيد
دمع قاتل الابتسامة
سيبنى جايز ألقي بعدك
اللي وياه فرح ياما

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى