*جناح الصقر* ليه الدنيا أستكها بطرفينه كدا ماسكين تشدي ناحيتك جامد وأخاف من قطعه أجريلك تسيبي الأستك الملعون يرد بقوته ليا فعيني أبات بدمعاتي تقولي سلامتك أنساها وأروح أحلم كمان مرة وتقطع عنك المية أقوم أفحت عشانك بير وأسقيكي بنبض الحب همساتي وييجي الليل وترميني فقلب الحب أغرق بيه منيش يوسف عشان يرمولي جردلهم أطلع فيه وبعد الفجر يرسملي خط الهاتف المحمول طريق أطلعله بإشارة وانا ناسي سواد الليل ونتكلم ساعات ياما وألفين كلمة يتقالو ويتعادو بشكل جديد ومنحسش يفوت الوقت وأقول إنك عشقتيني وأسافر راكب الأحلام كما إني جناح الصقر دراعاتي يدوب شمع الدراع أسقط تشق دماغي صخرة فكر أنا ليه السواد حالي طب أحيا بس بنهاري وأموت بالليل وأنا أصلي ما كنتش حي غير بيكي وميت وإنتي ترياقي لكنه مش مكفيني ساعات بالكلمة تحييني ياغالية وعارفة إنك نور في تكويني وتكويني! كدا بالنار نفسي أرتاح على ريشة عايمة فبحرك الفتاك منين الريشة هتجيلي! وتستحمل وتتجمل بحملي ويا آهاتي إذا كان الأساس بحرك ماليش أنا فيه ولو نقطة على سطحه مع إني الوحيد عاشقه وبغرق فيه كلماتي / علاء الدين علي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
