ط
الشعر والأدب

جوا العباية إنسان بسيط …للشاعر / جهاد بدر

جهاد بدرى 2
جوا العباية إنسان بسيط
……………………….ساكن ما بين الطيبين
وسط البيوت زى الحمام
……………………….وبين صحابه المُخلصين
يبنى شوقه فى الخيال
……………………….يرصف شوارع المطحونين
يبنى بسمه عـ الشفايف
………………………. تحسس قلوبنا بالحنين
جوا العبايه وحش كاسر
……………………….حمى قلوب الحالمين
بالحـب تلقـاه زى كـون
……………………….وإحنا نجومه الشقيانين
فـارد جـنـاحه بالمحـبه
……………………….وسط الكلام عـ الصادقين
وسط الهموم تلقاه سجين
……………………….بين الرياح تلقاه يلين
يفضل يـعـافـر والـعـناد
……………………….مالى قلوب المجروحين
إمسح دموع الزعـلانين
………………………. إكره دموع العازفين
إوعـا العبايه فـيها شوك
……………………….ساكن عيون المادحين
إوعا يا صاحبى تيجى يوم
……………………….تسمع كلام الواصفين
إسكُـن قـلوب الكادحـيـن
……………………….حارب ظلام الظالمين
يمكن نداوى فى القلوب
……………………….نبض الشهيد وسط الأنين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى