الاسم : محمد اسماعيل
رقم الموبايل:010972350
البلد : مصر
انتي شيء او حاجه مني
تاهت ثم دابت جوا جوا
فبترسم ضلوعي
انتي ورده و بنت طرحه من السما
انتي الطريق و الونس الوحيد
الي حين رجوعي
انتي حاجه فـِ كل حاجه
انتي الليل والاغاني
انتي فيونكه بيها الرسمه
بتكتمل شوكلاته كات انتي
و ساكنه تملي شرياني
انتي كل حاجه و عكسها لكن بحبك
بحبك قد طول الليل لما بتغيبي
بعشق هدوء طلتك
واعشق كمان ضحكتك
” و اعشق كسوفك لما بتقولي ” حبيبي
بعشق طرحتك اذا صابها الهوي
و مالت
ضحكت عنيكي اللي تشبه
شمس عمرها ما غابت
بعشق عنيكي و ابتسامها
حتي القلق حتي الزعل
حتي روحي و انهزامها
حتي اوقات الزعل ماتت
خليكي لحظه معايه
و ارسميني بضحك ضحكه
تشبه ضحكتك مثلا و توهي جوايا
و انا ريحه حزني من يومي
من يومي وهي خام
عيل ضربته القافيه و اصبح
شاعر بيغني لـِ الايام
و الحزن والوحده
سكنتي قلبه و غنتيه بـِ قلب
الناي الذي
عايز يعيط او يموت
كل الحاجات انتي
انتي الفرح
و الحلم و الغني و الصوت
انتي قلبي و كل شيء فيا
بالله قوليلي ازاي اغنيلك
و عنيكي بذاتها اغنيه
ازاي ارسم ضل فوق ضلك
و الضل وحده بيختفي اذا
صابه نورك
انا كنت لسه يدوب بغني
اختفي صوتي و اتسمع صوتك
و اتسمعت دقت قلبي علي
بابك ..
اسكنيني حتي اسكنك
و نعيش فـِ بعض
و روحي تموت اذا توهتي فـِ غيابك ..
وروحي هي روحك
دايما حبيبتي جوايا بتميلي
شعرك خطوط مـِ الهوا
و كوكبين مشيوا سوا
و اترسموا فـِ لليلي
بتترسمي جوايا
فتنوسي الاحزان .. تايه
انا و عنيكي الطريق
عنيكي 100 مليون قصيده
بتتكتب .. و قلبك كلام بيسكني
وقت اما الونس بيضيق
خليكي هنا و كوني انا ..
سيبيني بس احضنك و امشي
كل الحاجات بتميل جوا الهوا
فبلاش تميلي فتكسري رمشي
كل البنات انتي ولا انتي جايه منين !
بتضحكي فضحكي العالم
و الحزن و الميادين
الكون دا كله ليكي
فازاي بيبان الحلم ف عنيكي
و ازاي كدا انتي ..
قوليلي ازاي ارسم كيانك
ضلك طريق .. عنيكي ونس
شعرك هدوء .. وانا نفسي ابقالك ..
نفسي ابقي مكان بتحبي تروحيه
نفسي ابقي معاكي
دايما و حلمنا نبنيه
نفسي ابقي كل حاجه بتبسطك
قربي مني لجل المح
ملامحك و اعرف ارسمك
قربي كمان و كمان
و ارسمي روحي
هوكنلك سند و حاجات
هتقولك افضلي
لما تقرري تروحي ..
ازاي كدا بتبتسمي
فترقصي العصافير
و يرموا الورد علي كتفك
ازاي خلتيني امشي فيكي و اليكي
و اكتشف اني بحبك
و ازاي كدا ببتسم اذا
شوفت عنيكي مره
عديتي من قلبه و حابك
ثم حلف ليوم مماته انك
مش هتخرجي برا
هيبنيلك بيت و تكوني معاه
و اذا ان جيتي مره بكيتي
هيحس عياطك بكاه ..
