الأسم :محمد علي حسانين
الدولة / مصر
شعر عامي
لينك الفيس
بعشق جمال قلبك
گ عشقي لوردة فتحت وسط الضباب
گ شئ فريد بيشدني من ع الصراط
ويرد فيا الروح من جديد
إنسان ضرير
فتح رموشه علي الحياه
من بعد فقدانة الأمل إنه يشوف
گ طير جريح شاء القدر
واحد في بحر يقنصه
عمال يعافر إنه يوصل للأمان
جاله المدد
من ريح سخرها الإله
تدفع في مركب ينقذة
قلبي كعابد
وأنتي قلبك موطنة….
مهما يطوف بيعود إليكي بالندم
يامؤمنة!
رفقاًبناسك يؤتمن …. إنه يعود بعد البُعاد
مين اللي قال الهجر للأشداد ؟!
الهجر للضعفاا
الهجر للي شاف …. فيكي الأمل شهوة
الهجر للي داب …. في عينيكي من نظرة
البُعد دا عصمة
ليكي ولغارك
هاين عليا أحضنك
وأسكن في جوف دارك
لكن أنا خايف عليكي م النِسوة
ليقولو جالها الفتى
عشقاه وأهو جالها !
والدنيا اهه حالها
بتبص للظاهر
شافو القميص مقطوع
قالوا دا متراود
لكن الحقيقة تعيش
شبك القميص في الشيش
خد م القميص حتة
تتبقا في غيابي
لو كان لقلبك طرف
ف أنا قلبي دا الجاني
