ط
مسابقة الشعر العامى

حبوا مصر . مسابة شعر العامية بقلم / ضياء الوزير من مصر

بقلم/ ضياء الوزير ………. من شعراء العامية المصرية
بعنوان / حِبوا مصر
مصر – المنصورة – دكرنس
قرية ديمشلت
01091599538
[email protected]
……………………………………….حِبوا مصر………………………………
قلبى عليكى يامصر…
مدبوح ومات م العصر…
ياواقفه ع البركان……..
متحاطه بالغربان……..
وبيعصروكى عصر…….
حبوا مصر….
حبوها المِسا……….
فى الشقشقه والعصر..
حبوها قلب الكوخ……
او حتى جوَّا القصر…..
حبوا جدع مدبوح……
لجلن يجيب النصر….
صب الدِّما ع الغدر….
لجلن يهِل الفجر……
من قلب بحر النوح…
حبوا وضوُّو الروح……
نهر الوطن مجروح…..
محتاجه يا امَّه الجبر..
حبوا الولاد نايمين….
ف الشارع الموجوع…
طافح انانى الصبر…..
برد العمى سكين….
حدُّه ينسِّى الجوع…
لكنُّه يا ساكتين……
طلقه ما ليها رجوع…
جوَّا الرصيف مكسور..
والضلمه قبل النور….
دايسه عليه م العصر..
وضوا القلوب فى بحور…
رمل الوطن مليان……..
لكنُّه يا تايهين…………
مستنى فى الصحيان…
محتاجه يا امَّه النور……
لكننا طافين…………..
والشارع النعسان…..
مستنى ليكى النصر…
محتاجه يا امَّه القُوم…
لكننا فى النوم……….ما بنصحى حتى العصر..
مدبوح ومات م العصر…
قلبى عليكى يا مصر…
ياواقفه ع البركان…….
متحاطه بالغربان…….
وبيعصُروكى عصر……
رجليكوا هاتوا ابوس…
واتحمَّى منها الدوس…
بس المهم ندوس…..ع الكُره لجل النصر
لجل العَجل ما يدور..ويغنى تحيا مصر…
ضياء الوزير

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى