يوم ماتبقي كل حاجة كل أسباب السعادة يوم ما نبقي أنا وأنتي واحد يوم ماحضنك يبقي عادة يوم ما نصحي الصبح بدري قلبك أنتى يدفى قلبى دمك أنتي نفس دمي بيكي يكمل نص ديني ويصبح الحب عبادة يوم ما أسامحك لما تنسي تعمليلي فطاري بدري أكوي بأديا قميصي يوم ماتنسي وتحطي سكر قهوتى بشربها سادة يوم ما أشاركك كل حاجه حتي ألام الولادة يوم ما أسمي أبني يحيي يوم مانندهله بحمادة يوم ما أفرح وقت فرحك يوم ما أبكيلك في جرحك يوم ما أساعدك في الغسيل يوم ما أساعدك في الخياطة يوم ما أغير بأديا دبله كانت في يميني لفترة فجاة ألبسها في شمالي يوم ماتبقي أحلي ربطة و كل ما أخرج أمضي الأفادة يوم ماتبقيلي حلالي وتخلفي ليا عيالي يوم ماكلمه بابا تدوي يوم ماتسمعها وداني يوم ماتمليني أرادة كل ما أفتكر أنه قرب يوم ماتبقي ليا أقرب من خيالي ومن عيوني أنسي كل وأي حاجه وأمشي فرحان بالأكادة أيوا انا هطبخ معاكي أيوا أنا هغسل معاكي ايوا انا هفرح معاكي أيوه انا جدا فداكي كله هعتبره رياضه عمري ما أنسالك حبيبتي إنك إنتي بجد سيبتي كل ناسك دول عشاني عمري ما أنسي إن إنتي راحتي وكل أسباب السعادة ……………………… م د ث ر
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
