ط
الشعر والأدب

حبيبي شاطر حسن : للشاعرة /جيهان فتحى خنساء الاسكندرية

جيهان فتحى
حبيبي شاطر حسن ::
~*~*~*~*~*~*~

مسكين يا قلب الوجع ..
بتغني ع الأحزان ..
كل اللي فيك اتوجع ..
بحرك مالوش شطآن ..
والحوت بلعلي الجدع ..
وهو اللي كان ربان ..
شايل هموم الوطن ..
مين بات ف ليله جعان ..
من يومه شاطر حسن ..
راجل سيد الفرسان ..
عاشق تراب الوطن ..
والطينة والأطيان ..
كل اللي فيه موجوع ..
حتى إسأله الميدان ..
هتلاقوا أنفاسه ..
علامات فوق الحيطان ..
خوفت عليه م الدم ..
قال كلها ألوان ..
نموت ونتعرى ..
ويبقى الوطن متصان ..
إيه يعني حبة دم ؟؟
ويبقى الوطن شبعان ..
~*~*~*~*~*~*~*~

بقلمي /
** جيهان فتحي **
** خنساء الاسكندرية *

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى