حب الوطن ده شئ جميل وانا بموت فيكى يابلادى يوماتى راح اكتب مواويل وأغنى مع الطير الشادى
***************
ابعد عنك الاقينى بشتاق لحضن قلبك ده الدافى واليوم يصبح بسنة فراق ماهو من خيرك لحم كتافى تعيشى ليا ياأم الاوطان ياعايشه دايما فى الوجدان عشان نهرك من الحنان فى البعد بيتعبنى سهادى
**************
حب الوطن ده شئ جميل وانا بموت فيكى يابلادى
**************
فوق جبينى مرفوعة رايتك عشان انا المصرى الأصيل روحى وعمرى رهن إشارتك لو هعيش فيكى عابر سبيل ماتزعليش م اللى يعاديكى شوفى كام مليون مخلص ليكى بكره الزعلان يبوس إيديكى وبدمع عينيه عليكى ينادى
**************
حب الوطن ده شئ جميل وانا بموت فيكى يابلادى
**************
وحياتك يامصر ياغالية لاروى الصحرا بعرق جبينى واخللى رايتك الحلوة عالية ترفرف والله فوق بساتينى واكتب عليها انا بالأنوار اللى يعاديها اضربه بالنار وتفضل بلادنا ام الاحرار عروسة الكون فى كل وادى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
