الاسم / اسامه محمد طايع
جمهورية مصر العربية
محافظة الاسكندرية
السن 40
01115558240
01272144442
((( قصيدة حُب دليفري )))… خاص بالمسابقة ((( شعر العامية )))
—————————
حب دليفري
الووووووووو….
ايواه الووووووووووووو…
عم السيد مطعم انت
ايواه يا ابنى عايز ايه
عايز منك خدمه عظيمه
اطلب يا ابنى عايز ايه
اه لو عندك حب دليفري
اصل انا قلبى صبح وحدانى
عايز حد يقولى بحبك
عايز حد يكون كده صادق
مش كذاب
لو تبعتلى حب دليفري
اكون ممنون
عم السيد رد عليا
عندك حب رد وقول
بس اتوصى شويه عشانى
عايز حب يكون للاخر
عايزه كمان يكون مش خاين
ابعت منه قد ما تقدر
اصلى كرهت الحب العادي
حب مصالح مش فى الصالح
اصبر يا ابنى شويه استنى
عايز افهم ايه الفوله
اصل الفوله كانت فى الاولى
شغلت قلبى وعقلى وحالى
خلت كل الكون يحلالى
فجأه لقيتها راحت منى
كنت فاكرها ام عيالى
بص يا عم السيد شوف
كل حياتنا .. حب دليفري
تبقى وحيده تقول بهواك
تصرخ وتقول مش حنساك
يضحك قلبك تيجى سيباك
حب دليفري
ركب بقى للقلب صمام
واعمل حنفية حمام
اصل الحب بقى حيوان
عايش على دم الانسان
حب دليفري
ضحكه بمكر وفرحه بفقر
لمسة ايدك تقتل شهر
عم السيد بقى متحير عايز
يفهم ايه الحب
ابعت بس يا عم السيد
وانا راح اقولك بكره الحل
حب دليفري
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
