ط
الشعر والأدب

حتى لو بحبك.. كلمات / أشرف السمادونى

أشرف السمادونى
……………………….
حتى لو بحبك
عمرى ما أرضى اكون
لعبه تحت أمرك
حتى لو حلمت
بيكى كل يوم
هقتل فيا ضعفى
واهزم الهموم
هخرج بره ليلك
واحرق النجوم
مهما قلبى حبك
عمرى ما أرضى اكون
لعبه تحت امرك
حتى لو بتسرى
ف دمى جوه منى
مستحيل اكونلك
وانتى بعيده عنى
حتى لو حياتى
بعيشها جوه منك
ههزم ذكرياتى
والعن فيا صبرك
واسجن فيا شوقى
وارحل بره ارضك
عيشى جوه ليلك
حبى فيكى صمتك
قلبك كان انانى
وانتى اخترتى امرك
مستحيل هكونلك
لعبه تحت امرك
قلبى مهما حبك
مش هيبقى عبدك
روحى وانتى حره
قلبى كمان مسامحك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى