ط
مسابقة الشعر العامى

حدودى الممكنة . مسابقة الشعر العامى بقلم / كريمة محمد إبراهيم


مسابقة الشعر العامى بقلم / كريمة محمد إبراهيم
حدودى الممكنة

اخر حدودى الممكنه
أرسم وتر ولحن منزوع الدسم
ما أنا بنحنى وضهرى كمان انقسم
وحلفت يمين وميت قسم
لأكتب حكايتى من عدم
لأكتب على سن القلم
أنا معتصم
أزاى أكون م اللى أبتسم
وأدتنى الدنيا ضهرها
أزاى وأنا دافع مهرها مر وألم
بقابلها وعندى م الشموخ
حبة شروخ
وخدت منها ميت قلم
بينى وبينها وصلة
طرب
وصله أدب
وصلة غنى متلونة
وداست علية بميت قدم
أنا بحتكم
عايز رضى عايز هدى
تدينى الأمان وتحترم
صبرى
و حرقة بنيانى اللى أتهدم
مستنى بالون الرضا وبركانه ينفجر
الحقلى ضلاية
وكام غاية لحسن قربت
اتفرم
وبحبك رغم غلبى
رغم حظى
يمكن يوم يا دنيا
تكرمينى اخر كرم

كريمة محمد ابراهيم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى