ط
مسابقة الشعر العامى

حكاية شمس..مسابقة شعر العامية بقلم / زهراء الطوخى من مصر

زهراء الطوخى بلبيس الشرقيه 
حكاية شمس
عرفت راجل جدع
الخير دا من دمه
شهم وأصيل الولد
طالع لابوه وأمه
من صلب أبوه الولد
شارب حنان أمه

تشهدله كل البلد
بالعدل والااخلاص
حامل هموم البلد
شال الفقير ع الراس

لويوم وناس قصدوه
يجبلهم حقهم
بالعدل والحكمه
طول عمره شهم الولد
متربى ع الحكمه

لو شاف فى يوم يتيم
يحضن فيه ويضمه
ياخده يهتم بيه
ماتقولش كان عمه

فقير ولكن غنى
أخلاقه من ربه
رزقه قليل إنما
مباركله فيه ربه

ياخونا ماشى فى يوم
لقى واحده بتشاغله
مهو برضو راجل إنما
عارف حدود ربه

سابها وراح ماشى
شفوه صحاب السؤ
جريو الكلاب حواليه
عايزينه حاله يسؤ

قالوله شمس العيله
قضى معانا السهره
أسهر معانا الليله
عايزين نشوف الفرح
وننسى هم العيله
دا العم أصله قصير
كام يوم وكام ليله

خارجو لبره البلد
راح الولد وياهم
مش مدى لخوانه
فاكر الهنى وياهم
لقى الحريم ألوان
جيبنله كاس خمره
كسر الولد للكاس
وحس بمؤمره

رجع الولد للبلد
حاسس بأنه غلط
وإن الاه نجاه

جرى الولد ع البيت
يحكى لبوه أمه
قاله أبوه ياشمس
يابن الاصيل أياك
لعب الشيطان غدار
يابنى نهايته هلاك
والعمر يبقى مرار
والغدر يستناك
تبقى النهايه فى نار
ولاحد يبقى معاك

أمه قالتله يا واد
إياك وأى حرام
الحر لو يتشانق
هايموت فى قلبه إيمان
بين الايمان والكفر
ياوالدى كام خطوه
خلى خطاك للخير
والشر ولا خطوه
أمشى فى نور ربنا
يحرصلك الخطوه

باس إيد أبوه الولد
وباس إيدين أمه
ودموعه ماليا عنيه
نازله على خده
نازله كما الامواج
كتير ما يتعدو

وقال ماتخفشى يابا
أنا صحيح إنسان
لكن ربى فى قلبى
حارسلى كل مكان
واللى الاه يحفظه
عمره ما يبقى مدان

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى