ط
الشعر والأدب

حكاية واد سريح.. للشاعر محمد عبد المقصود داوود

================حكاية واد سريح ============
———————————————————————————–
الواد الواقف فى السوق
بيبيع الحلم برغيف مشقوق
وبينسى الشوق
الشوق النابت فى ضفاير وطنه المسروق
كان نفسه يعيش الحواديت
يمشى ع الكورنيش
ويفرفت قلبه فرافيت
لعيون عاشقة ومعشوق
الواد المدارى جوا قميصه الخوف
مرعوش من تكشيرة اى حروف
بيبع العمر من غير ما يشوف
بكرة المتباع
واقف بيجمع من وجعه اى شراع

و بنرسم للحلم خطوطه
فتتوه كل شطوطه
من امتى الموج بيساند
والموج بيعاند
بيشق الصخرة
وبيزحف فى الليل يسرق ضى القمرة
الواد الواقف سريح
بتهزه الريح
و بتنهش عضمه التباريح
لكنه واقف بيلملم

جلمه من جوا عيون المجاريح
=============محمد عبد المقصود داود ========

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى