ط
مسابقة الشعر العامى

حلم اتعدم ..مسابقة الشعرالعامىبقلم / إسلام محمد منسى من مصر

صيده بعنوان حلم اتعدم
الفئه/عامية
الاسم/اسلام محمد منسي
حلم اتعدم
صحيت الصبح كالعاده
لقيت الفجر بيأدن
لبست هدومى واتوضيت
سمعت مزيع وبيدندن
وصول سعوديه بجيوشها
على قاعده فى تل ابيب
وقال الحصرة عالصهيون
ونصرنا اصبح قريب
وسوريا الفرحه كات عارمه
نازلين فى النظام توضيب
وجيش العرب ايد واحده
ولو خايف اماله تخيب
ومصر الجرأة رجعتها
وبدأت تبعت كتايبها
وفتحت كل معابرها
للاجئ رافض التعذيب
وحركه ليبيا واخواتها
كانت رافضه المعونه تفوت
ولا يعدى فى ليله واحده
صاروخ يصيبك يا فلسطين
ولبنان النصر مدافعها
كانت مرفوعه نصب العين
واطفال الحجارة تثور
وبصراخ الانين بتقول
بحق العيشه يا بلادي
واعيش مستور
وتتحقق مطالبنا
ونتحرر من الصهيون
وترجعلى اراضيا
وانادى القدس عربيه
وامريكا هتخاف منا
تحقق كل مطالبنا
ونستني نهارنا يطل
ويتناسي سواد ليلنا
واصحا الصبح مستني
اذاعه تذيع لاحلامنا
لكن نومى يا ارضي طويل
وحلمى زال مع همومنا
بتتفرق نوايانا
وتتشتت مزاعمنا
ونفضل سهرانين والصبر
صار مكروه فى ايامنا
بدأنا الحكم باستعجال
وماتت منا ضمايرنا
يا عرب الاسم امتى يفوق
ونصحا نلاقى اسلامنا
تألفكم دا خيط مقطوع
بيتفتت باسنانا
واسلامكم دا شئ مزعوم
حرام يوم ندخل الجنه
وحلمى صار جريح محكوم
بأعدامه واعدامنا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى