ط
مسابقة الشعر العامى

حلم متسرسب. مسابقة الشعر العامى بقلم / محمد مفتاح . مصر


حلم متسرسب. مسابقة الشعر العامى بقلم / محمد مفتاح . مصر
حلم ••متسرسب#
الحلم متسرسب لقا
والروح بتسرح في البراح
لسه القلوب متشوقه
رغم أن كل العمر راح
الارض لساها شراقي
وبتحضن العمر اللي باقي
ونخلها طراح
الحب بيزيده البعاد
لو حتي ماجاش الميعاد
حبك حقيقه مافيهش زيف
او نسمه عابره في عز صيف
حبك شتا حبك خريف
حبك ربيع
رافض يضيع
البعد رافض نلتقي
فعلا حقيقه صدقي
أنا ليه بأشوفك في الخيال
وكأنك الحلم المحال
برغم انك أنتي الحقيقه ممكنه
صوتك في كل الامكنه
ينده عليا وبأسمعه
لساني مش عارف أمنعه
احساس عيوني بيدمعه
وحروف كلامي مسلمه
انتي الوحيده الملهمه
لحظة خيالي بأشوف عنيكي فيها سحر
بترجم الاحساس لشعر
يتحاكو بيه المعجبين
لكن لمين
قلمي الحزين
ساعة الحنين
اشتاق في لحظه يوصفك
هربانه ليه منه الحروف
جايز لأنه مايعرفك
ممكن ده خوف
ولا انكسر ولا انهزم
ماله القلم
بقي حبره مليان بالدموع
الشوق ظلم
إنك تروحي بدون رجوع
الحلم باقي ما انتهاش
لو فاكره في بعدك قلبي عاش
يبقي انتي برضه بتحلمي
والحلم متسرسب ماجاش
#نص جديد
[ محمد مفتاح]

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى