حلوة صلاة النبى ..بقلم الشاعر / حلمى قاسم

“حلوه صلاة النبى”
********************
حلـــوة صلاة النبى

بتطبب المجـــروح

طول عمرها ترياق

للقلـــب ويا الروح

مَدح الحبيب مرغوب

والرك ع النيــــات

بيطمن المكروب

ويضاعف الحسنات

صَـــــل عليه ربنا

وقال لنا صلــــوا

فى علنا او سرنا

الذكر يوصلـــــوا
…….

يا اللى هويت ونويت

ما تقولش “هل” صليت

قــــــولها بدون سؤلات

مُســـلم ورب البيت

إنت وانا إخـــــــوات

حلــــوه صلاة الزين

بتعطـــر الأنفــــاس

وتقر بيهــــا العين

لو يصدق الإحساس

لو نطقها بإخــــلاص

هتريح المهمــــوم

وتطمن المحتـــاس

حلوه صـــلاة النبى

بيقـــولها طير ونبات

حتى التراب والحجر

والرمل والحشرات

مَدح النبى مذهبى

والرك عــــ النيات

حلــوه صلاة النبى
*************
قلم/حلمى قاسم