ط
مسابقة الشعر العامى

حيزية .مسابقة الشعر العامى ( جزائرى ) بقلم /بينين الحاج من الجزائر

الإسم واللقب : بينين الحاج / البلد : الجزائر / العنوان : سيدي بلعطار مستغانم الجزائر
العنوان الالكتروني : [email protected]
رقم الهاتف : 0661287992
عنوان القصيدة :حيزية / الفئة : الشعر العامي
الشاعر: الحاج بينين
جَــادْ الحَرف وْ قَــــالْ بَــــسْمَــكْ وَتْـــكَــلَــمْ
بَــعدْ ســــنِـــين عْـــــجَــافْ فَــــاتَـــت غْـــبيـــنا
صَـــب الغــــيثْ وزَادْ الثَـــلجْ اتْــراكَـــــمْ
طَـــــلْــعَـــتْ شَــــمس ارْبـــــيعْ مَـــحْلاهــا زينَـه
وَرّّدْ بَــــنَـــعْــمـــان في ذاك المـــرسَــــمْ
ذَاكْ اليُـــوم ألْـــلي فـــــيه تْــــلاقـــــينـــــا
حـــــيزيـــــة نبــــكيـــك جِــــيتك نتْــعَــلمْ
أنَــا ولْعُـــــشَـــاقْ واشْ اتْــــوَصــــــينــــا
قُــــولِ لي كِـــيفَاشْ ذلْــــحُــب تْــــرَسَــمْ
ذلْــــقَــصة كيــــفاهْ فاتَـــتْ اعْـــليـــــنَــــا
رَاه سْــــعـــيدْ فــــداكْ بالرُوحْ وسَـــلّمْ
مَــــات بْــــنار لْـــحُــبْ هذي تَـــــكْــــفينــا
تَــــكْفينـــا وَيْعُـــودْ كُلْ عــــاشقْ يَـلْزَمْ
مَــنْ لا عَـــاش سْـــعيـــدْ غِـــير يْهَـــنينــا
رانــي بيــنْ حـــروفْ الفرحة ولْــــــهَـمْ
تَــزْهَــالي ســاعاتْ لا شـــي يْنَــــويـــنا
وْشــي سَـــاعاتْ دمُـــوعْ نَــبْكــيهم بَــدمْ
تَـــحْـــرَمْنــا لَــثْـــمَـــادْ صَــحْ اتْجَـــافيـــنا
وِيــن الحُـــبْ الْــلِـي خْــــرَجْ من ذاكْ الفُــمْ
كَــــلْــــمَــة من حرفــــين كانتْ تَـــــغْنِــــينا
وَشْــــفَـــايفْ وعْــــيون تَــنْظُــر وتبَـــسَمْ
وِيـــحْ ســـعيــد وْوِيــــــحْ ذاكْ الْــلي بيــــنا
تَــــبْقَــــاي علـى خــــيرْ ما نيــشْ انْـــذَمَــمْ
مَــــنْ بَــــعْدَكْ مُـــحَـــالْ أَلْـــلِي راضِــــينا
حــــيزية مــازالْ قَــــصة تتكَــــــلمْ
وْتَــــبْقـى لَــتـــاريخْ مَـــــغْــروسَـــة فِـــينَـا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى