ط
مسابقات همسهمسابقة القصة

حييوا أبو الفساد جزء 2 ..مسابقة السيناريو والحوار بقلم / إسلام محمود من مصر

سيناريو فيم حييوا أبو الفساد جزء 2
م 43 ن \ د مكتب الدكتور محمود المستشفى
محمود جالس على مكتبه المجاور لمكتب حسن
حسن : ايه مالك
محمود : مفيش هى المستشفى دى نحس
حسن : ليه بتقول كده
محمود : محدش بيدخلها بيخرج خافف مية فى المية لازم يخرج تعبان اكيد فى حاجة ونسيت الست اللى جوزها كان جاى فى حادثة عربية عادية وجت بعد 3 شهور تقول ان جاله السرطان بسب المستشفى
حسن : يا عم احنا مالنا احنا لينا مرتبنا
محمود : انا لازم اعرف فيه ايه

م 44 ن \ د مكتب صلاح
ريهام تدخل مكتب صلاح وتقف امامه
صلاح : ريهام اتفضلى ( تجلس ريهام )
ريهام : انا اسفة لو ازعجتك او جيت من غير ميعاد
صلاح : متقوليش كده انتى تيجى فى اى وقت ده مكتبك
ريهام : مش حلمت بيك انبراح
صلاح : حلمتى ايه
ريهام : اننا فى قهوة الفيشاوى والولد وهو بينزل الطلبات القهوة وقعت عليك وهى بتغلى
صلاح : ده حلم ده قهوة بتتدلق احلمى اننا فى مارينا وعالبحر كمان

م 45 ن \ د بنك الدم المستشفى
محمود واقف امام مسئول عهدة بنك الدم
الموظف : ايوة يا دكتور
محمود : عايز كيس دم فصيلة A
الموظف : طب ممكن ايصال الصرف
محمود : لا انا هخده على عهدتى انا

م 46 ن \ خ السيارة
ريهام وصلاح فى سيارة صلاح فى طريقهم الى قهوة الفيشاوى
ريهام : انت انسان عجيب
صلاح : وعجيب ليه
ريهام : يا دوب افتكرت القهوة خدتنى ورايحينها
صلاح : الحياة مفيهاش كتير علشان نضيع منها وقت فى التفكير
ريهام : يا نظرياتك
صلاح : لا بجد انا اتعودت ان اى حاجة عايز اعملها مدام اقدر اعملها ليه معملهاش
ريهام : اى حاجة اى حاجة
صلاح : اى حاجة اى حاجة
ريهام : صح او غلط
صلاح : انا كبير كفاية علشان اعرف ايه اللى ممكن اعمله ولو عزت حاجة مبيهمنيش الناس
ريهام : انت لازم تراجع نفسك على فكرة وهدى السرعة شوية كده غلط

م 47 ن \ خ الشارع
صلاح وريهام على وجههم هباب اسود من السيارة
ريهام : هنعمل ايه دلوقتى
صلاح : هنركب عربيتك طبعا
ريهام : بس دى عربية بابا مش عربيتى
صلاح : متقلقيش مش هيحصلها حاجة
م ن \ د صالة شقة ابو ريهام

م 48 ن \ خ كورنيش النيل
احمد وسارة يتناولون حمص الشام بجوار عربة حمص الشام كورنيش النيل
سارة : ها وبعدين
احمد : ولا قبلين ربنا يحلها من عنده
سارة : الظروف هى هى ومبتتغيرش انا عايزة اعرف هنتنيل نتجوز ولا لا
احمد : والله انا ان كان عليا عايز نتيل نتجوز دلوقتى بس الفلوس يا سارة الالامونيا هنعمل فيها ايه
سارة : خلى اخوك صلاح يساعدك اى حاجة لازم حل يا احمد
احمد : والله فكرة ازاى مخطرتش على بالى قبل كده بس هى ماما

م 49 ن \ خ فى شوارع القاهرة
صلاح يقود سيارة ابو ريهام وهى جالسة بجواره سيارة تسير ورائهم تخبط السيارة
ريهام : يا لهوى عربية ابويا اتخبطت
صلاح : دى حاجة خارجة عن ارادتى واللى خبطها جرى كمان ريهام هووالدك بيبقل الاعتذارات

م 50 ن \ د صالة شقة ريهام
صلاح جالس امام والد ريهام ووالدة ريهام على الانتريه ويبدو عليه القلق
صلاح : انا مش عارف ابدء منين بس انا متحمل كل الخساير
ابو ريهام : متطمنى يا ابنى حصل ايه
صلاح : انا وريهام كنا فى العربية وحصل اللى حصل
ام ريهام : ده بيقولك حصل اللى حصل يابو ريهام
صلاح : يا جماعة انا مكنش قصدى جت فجاة انا كنت تعبان وهى كانت تعبانة بس كنا واخدين بالنا لكن النصيب كل شىء نصيب هى اتهرت وانا السبب
ابو ريهام : كمان هرتها
صلاح : يا عمى منا اللى عربيتى عطلت لو مكنتش عطلت مكنش هيحصل اللى حصل
ام ريهام : بقى عشان عربيتك عطلت تبقى تفش غلك فى البت وتهريها
ابو ريهام : وريهام سابتك تعمل كده ازاى
صلاح : هى كانت تعبانة فقالتلى انا مش قادرة اتعامل انت
ام ريهام : الحق يابو ريهام قالتله اتعامل انت شوفت تربيتك
ابو ريهام : وانا مالى دى تربيتك انت
ام ريهام : هى اتعلمت الوساخة منك
ابو ريهام : وكمان بتشتمى يا قليلة الادب اتعلمت الوساخة منك انتى انتو واهلك اللى عيلة واطية
ام ريهام : عيلة واطية يابن صابرة بتاعت المخلل
ابو ريهام : اخرسى يا كلبة انتى طالق
صلاح : شكلك زعلت يا عمى سلام هجيلكو فى وقت تانى

م 51 ل \ خ سيارة صلاح شوارع القاهرة
صلاح يقود سيارته وعلى الكاسيت اغنية اتحدى العالم

م 52 ل \ د ريسبشن شقة صلاح
يفتح صلاح باب الشقة ويدخل الريسبشن
صلاح : وبقول للدنيا بحالها ان انا هنساك وان شوفتك تانى فى يوم راح تاخد على قفاك ( يجد نيهال امامه مسترخية على الاريكة ) نيهال
نيهال : اتأخرت يا صلاح لو ما كنت عبالك انت ما بتروح عابالى بنوب
صلاح : اذيك يا نيهال انتى هنا من امتى
نيهال : انا عم جيت من الصبح كنت حابة ان اصير مفاجاة بس
صلاح : واحلى مفاجاة انا فعلا محتاج اغير مودى انهارده ( موسيقى العشق الممنوع )
م 53 ل \ د معمل التحاليل امام غرفة النتائج
محمود فى المعمل ينتظر نتيجة التحليل يخرج الدكتور بالنتيجة
الدكتور : كيس الدم ده مسرطن حضرتك جبت منين الكيس ده يا دكتور
محمود : من المستشفى اللى انا بشتغل فيها

م 54 ل \ د ريسبشن شقة صلاح
نيهال ترقص على اغنية مستنياك نانسى مقطع للدرجة دى و صلاح جالس ارضا يأكل مانجة

م 55 ن \ د مكتب صلاح سكر المحامى
يفتح محمود الباب ويدخل يقف امام صلاح يقوم صلاح يسلم عليه ويقبله
صلاح : اذيك يا محمود وازاى احمد وسمر وسحر
محمود : كلنا كويسين بس فيه حاجة خطيرة انا اكتشفتها
صلاح : طب اقعد بس ونتكلم ( يجلس صلاح ثم يجلس محمود ) خير
محمود : المستشفى اللى انا فيها بتستورد اكياس دم مسرطنة ده غير الادوات الطبية كمان اللى انا شاكك فيها هى رخرة انا كنت شاكك من الاول وكنت بقول لنفسى ليه المرضى صحتهم بتسوء عندنا فى المستشفى وبتحصل حالات وفاة كتيرة وما خفى كان اعظم
صلاح : اهدى يا محمود هدى نفسك كده وروق انت عارف ان المستشفى اللى انت بتشتغل فيها دى بتاعت مين
محمود : ايوة عارف وزير الصحة
صلاح : تمام يعنى الدايرة كلها فى ايده وعارف اول اللعبة واخرها بلاش تدخل نفسك فى متاهات منتش قدها
محمود : حاضر يا صلاح
صلاح : ها تشرب ايه

م 56 ن \ د مكتب الدكتور رئيس القسم
يدخل محمود ويقف امام الدكتور رئيسه فى القسم
الدكتور : خير يا محمود
محمود : فى حاجة مهمة عايز ابلغها لحضرتك

م 57 ن \ خ امام دار القضاء العالى
همام يضع الروب والحقيبة فى شنطة العربية يرن تليفون صلاح
صلاح : الو ايوة يا احمد ماله محمود اه طب وبعدين مرجعش من ساعتها صاحبه ملقلقش حاجة تانية طب خلاص انا عرفت هو فين متقلقوش هجيبه وهاجى سلام مع السلامة
همام : خير يا ريس ماله دكتور محمود
صلاح : هيجى منين الخير بس مصيبة جديدة

م 58 ن \ د مكتب رئيس مجلس ادارة المستشفى
الدكتور رئيس القسم امام عزمى رئيس مجلس ادارة المستشفى
عزمى : تمام اتخذنا الاجراء المناسب حرصا على سمعة المستشفى

م 58 ن \ د غرفة فى جهاز امن الدولة
محمود جالس امام الظابط المحقق
الظابط :محمود امين سكر دكتور امتياز انت عارف انت هنا ليه
محمود : لا مش عارف
الظابط : انت متهم ب

م 59 ن \ خ امام مقر جهاز امن الدولة
محمود وصلاح يخرجون من مقر امن الدولة
صلاح : اتفضل يا دكتور قدامى اداى نتيجة عدم سمعك لكلامى كنت هتلبس قضية امن دولة
محمود : ظلم وانت عارف
صلاح : اثبت اعرف انت جيت هنا ليه وخرجت علشان ايه
م 60 ن \ د صالة شقة ام صلاح
يدق الباب تفتح سحر يدخل محمود وصلاح تجرى نحوه سمر و سحر وفاطمة تحضنه امه
فاطمة : ينفع كده يا محمود تغضنى عليك يا واد
صلاح : استئذن انا بقى
سمر : خليك معانا شوية
سحر : اقعد اتغدى معانا
صلاح : سلام ( يرى صلاح سكات الام فيخرج ويغلق الباب

م 61 ن \ خ كازينو على النيل
صلاح وريهام على طرابيزة بجوار النيل صلاح شاردا ويبدو فى حالة عدم سماع لنداء ريم
ريهام : صلاح صلاح
صلاح : فيه ايه
ريهام : انت مش معايا خالص مالك فيه ايه انت مش انت
صلاح : الشغل والعيلة شوية مشاكل
ريهام : طب قولى يمكن احاول اساعدك
صلاح : مفيش داعى انا اصلا بحاول انسى ( يرن الهاتف فى جيب صلاح يخرجه ويرد ) الو ايوة يا همام مين بتقول مين انا جاى حالا سلام ( يغلق صلاح التليفون ويضعه فى جيب الجاكت )
ريهام : خير يا صلاح
صلاح : وزير الاسكان بنفسه فى مكتبه
ريهام : طب اوكيه انا هروح
صلاح : انا اسف يا ريهام بس اكيد هعوضهالك

م 62 ن \ خ امام عمارة مكتب صلاح
صلاح ينزل من سيارته يجد عربتى الحراسة للوزير ثم يدخل العمارة

م 63 ن \ د مكتب صلاح المحامى
يدخل صلاح غرفة مكتبه ثم يصافح الوزير قدرى ثم يجلس
صلاح : اهلا يا فندم اهلا المكتب نور يا فندم
قدرى : انا سمعت عنك كتير
صلاح : اتمنى يكون خير يا فندم
قدرى : فعلا خير علشان كده انا هنا انهارده انا عايزك فى شغل بس مش هينفع نتكلم هنا ( يخرج قدرى من جيب جاكت البدلة كارت ويعطيه لصلاح ) ده الكارت بتاعى تجيلى فى العنوان اللى فى الكارت ده بكره الساعة 7 سلام
صلاح : طب القهوة يا فندم
قدرى : مرة تانية سلام ( يقوم قدرى ويغادر الغرفة )
صلاح : يا مسهل التساهيل ( يخرج صلاح الموبيل من جيب الجاكت ويتصل على ريهام ) ردى بقى

م 64 ن \ د غرفة ريهام
ريهام تأخذ الهاتف من على الكمودينو لترد
ريهام : الو عايز اية تانى خليك فى موكلينك المهمين بكره طب اوك خلاص مش زعلانة

م 65 ن \ د فيلا الوزير قدرى
صلاح جالس على الاريكة وامامه على طرابيزة الانتريه اوراق كثيرة تخص الوزير قدرى الجالس على الكرسى المجاور للاريكة
قدرى : ممكن اعرف وصلت لايه
صلاح : يا فندم لسه موصلتش حاجة لازم ادرس كل الورق كويس فى الاول وهقول لحضرتك اول ما اوصل لنتيجة

م 66 ل \ د رستوران
الجرسون واقف امام طرابيزة ريهام
الجرسون : تحبى اجيب لحضرتك العشا
ريهام : قهوة تانى لو سمحت
الجرسون بس دى هتبقى عاشر قهوة اجيبها لحضرتك
ريهام : اوف امشى مش عايزة حاجة

م 67 ل \ د فيلا الوزير قدرى
صلاح جالس على الاريكة وامامه على طرابيزة الانتريه اوراق كثيرة تخص الوزير قدرى الجالس على الكرسى المجاور للاريكة صلاح ينظر فى ساعته
صلاح : يا خبر انا اتاخرت جدا الوقت سرقنى
قدرى : وصل اعتذارى لريهام هانم
صلاح : نعم
قدرى : ايوة احنا نعرف كل حاجة عن الناس اللى بيشتغلو معانا

م 68 ل \ د رستوران
يدخل صلاح ينظر الى جميع الطرابيزات لم يجد ريهام فيظهر عليه اثار الضيق فيجلس على احدى الطرابيزات ليستريح وفتاة جالسة خلفه تدعى ميرى يرن هاتفه يخرجه صلاح من جيبه ويرد
صلاح : الو ايوة انا مين معايا اه ام طب على فكرة المكالمة ومن بكره الصبح هعمل لحضرتك قضية سب وقذف وهبيعك اللى وراك واللى قدامك وكلامك ده معلهوش اى دليل وانا مبتهددش قبل ما تتكلم فكر كويس انت بتكلم مين صلاح سكر المحامى الكلمة معاه بحساب ( يغلق صلاح المكالمة ويضع التليفون فى الجاكت تبتسم ميرى وتقوم تتجه نحو طرابيزة صلاح وفى يديها فنجان قهوة تسكبه على بدلتة متعمدة )
ميرى : سو سورى انا اسفة جدا يا فندم
صلاح : محصلش حاجة صلاح سكر يا سكر

م 69 ل \ د غرفة نوم صلاح
صلاح نائم فى السرير ورابط دماغه بقطعة قماش وبجواره همام
همام : بس ايه رأيك فى فكرتى يا ريس
صلاح : مش وقته اتصل بس بيها فيديو كول
همام : منا بتصل اهو الو استاذة ريهام انا همام استاذ صلاح بيموت حتى بصى ( يقرب التليفون الى وجه صلاح )
ريهام : ايه صلاح سلامتك يا صلاح فداك الدنيا كلها انا جاية حالا متشكرة يا استاذ همام انك بلغتنى سلام
( يغلق همام الخط ويضحك ويضحك صلاح )
صلاح : والله برافو عليك يا همام فكرة روعة حلتلى مشكلة تفويت مواعيدها للمرة التانية بقولك ايه امشى انت بقى علشان الجو هيكون رومانسى وبيتهيئلى وجودك مش هيبقى مرغوب فيه وسيب الباب مردود علشان لما ريهام تيجى تدخل علطول
همام : اسيبك انا بقى يا ريس ( يخرج همام وينام صلاح على السرير يستمع اثار اقدام )
صلاح : اه اه ( تدخل نوسة غرفة نوم صلاح )
نوسة : يا لهوتى مالك يا صاصا انت عيان ولا ايه يا دى النيبة يا بختك المايل يا نوسة مالك يا سبعى
صلاح : يا بختى انا المايل

م 70 ل \ خ امام عمارة صلاح
تدخل ريهام العمارة وتصعد الدرج

م 71 ل \ د غرفة نوم صلاح
تدخل ريهام غرفة نوم صلاح وتجلس بجواره وهو نائم
ريهام : ازاى متقوليش انك تعبان انت مش عارف انت بقيت بالنسبالى ايه انت بقيتلى كل حاجة انت بقيت نفسى يا صلاح انا فداك من ساعة ما دخلت حياتى وحياتى اتغيرت بابا زمان كان بيقول لو لقيتى الانسان اللى يقبالك كل وانتى مبقتيلوش كل حاجة هتلاقى نفسك خسرتى روحك خسرت قلبك وعقلك وخسرتى كل حاجة
( تشرد ريهام بالنظر فى الغرفة تجد متعلقات نوسة الداخلية )
صلاح : دول متعلقات القضية
ريهام : وكمان مش عيان
تسير ريهام نحو الباب يقوم وصلاح ويمسك يديها
صلاح : استنى يا ريهام
( تدخل نوسة لا مؤخذة يا صاصا نسيت حاجاتى عندك يترك صلاح يديها وينظر ارضا تغادر ريهام )
صلاح : دول متعلقات قضية ايه اكيد قضية اداب ( تضحك نوسة يتجه صلاح نحو الباب )
ريهام يا ريهام

م 72 ل \ خ سيارة ريهام
ريهام فى السيارة والكاسيت يعمل على مقطع نجوم اف ام ثم تبدء اغنية اتفضل امشى رامى

م 73 ل \ د غرفة ريهام
يدق باب الغرفة
ريهام : ادخل ( تدخل الام وتغلق الباب )
الام : مالك يا بنتى ايه اللى مضايقك
ريهام : مفيش يا ماما مفيش
الام : ازاى بس هو انا مش عارفاكى باين عليكى يا بنتى
ريهام : ارجوكى يا ماما سيبينى لوحدى دلوقتى

م 74 ن \ د مكتب صلاح سكر
همام جالس امام صلاح فى مكتبه وصلاح يبدو عليه التوتر والزهق
صلاح : انا زهقان علىى متضايق انا متقفلش القفلة دى
همام : قفلة ايه بس
همام : القفلة اللى قفلتهالى البت ريهام
همام : صلاح انت بتحبها
صلاح : بحب ايه هو بس اتعودت انا اشوفها واكلمها
همام : حلك عندى خطة مخيبتش فى 30 فيلم عربى قبل كده

م 75 ن \ د غرفة ريهام
ريهام جالسة على كرسى بجوار السرير تقرء كتاب يرن هاتفها الجوال تأخذه وترد
ريهام : الو مين معايا عايز ايه يا همام انا اسفة هقفل السكة انت بتعيط ليه ايه بيموت انت متأكد انا جاية حالا

م 76 ن \ د غرفة صلاح سكر
ريهام تدق باب الشقة يفتح همام تدخل مع همام الى الغرفة تجد صلاح مستلقيا على السرير كميت
ريهام : مالك يا صلاح انتحرت انتحرت علشانى انت بتحبنى للدرجة دى يا صلاح
همام : انا كنت جاى اجيبله ورق مهم لقيت شرب ازازة سم الفيران كلها وقلى خلاص يا همام انا روحت فدا حب ريهام
صلاح : يا حبيبى يا صلاح انا سامحتك بس ايه فايدة كلامى بعد ما انتحرت علشانى
( ينهض صلاح )
صلاح : بجد الكلام ده
ريهام : انت ماموتش
صلاح : انتى كنتى عايزيين اموت غلطة ومش هتتكرر تانى اوعدك وتوبت على ايدك وهخطبك من ابوكى انهارده والشبكة الخميس الجاى
ريهام : شبكة ( تنظر ريهام الى يديها وتسمع فى اذنيها صوت زغاريد )

م 77 ل \ خ قاعة الخطوبة
زغاريد وريهام مع صلاح فى الكوشة ويلبسها الشبكة مع اغنية الخطوبة

م78 ل \ د ريسبشن فيلا اسحاق غالى وزير المالية
يكتب على الشاشة بعد شهر – ميرى فى يديها زجاجة الفوتكا تصب للوزير فى كأسه ثم تصب كأسها على الدفيدى اغنية كبرتك على سيدك اصالة
ميرى : مالك سيدتك متغير
اسحاق : قلبى مقبوض حاسس مظاهرة يوم الاربع دى مش هتعدى على خير
ميرى : سيدتك دى مظاهرة زى اى مظاهرة ولا هتعمل حاجة النظام فى مصر مش زى تونس
اسحاق : انا برده لازم اظبط اوراقى علشان ابقى فى المضمون ممكن المظاهرات تاخد النظام كله فى ديلها واول النظام الوزراء اسحاق غالى فى خطرانا عايز محامى من بره الوزارة ويكون مطابق للمواصفات
ميرى : من عنيا يا باشا اشرب كاسك بقى

م 79 نهار \ داخلى مكتب صلاح سكر
احمد امام صلاح
صلاح : ازيك يا احمد تعالى اقعد
احمد : مش وقته سمر فى امن الدولة
صلاح : ليه خير
احمد : علشان المقالات اللى بتكتبها كاتبة ان يوم الاربع هويوم اسقاط النظام
صلاح : انا قولتلها قبل كده انها تسيبها من جرنان المعارضة ده وتشيل الافكار دى من دماغها الناس ده كبيرة قوى ومش ممكن نظام يقع من مظاهرة او مقال
احمد : طب وهنعمل ايه دلوقتى
صلاح : انا هعمل كل حاجة متقلقش هتروح معانا انهارده

م 80 نهار \ داخلى غرفة تحقيق فى امن الدولة
سمر جالسة امام المحقق على مكتب التحقيق
المحقق : انتى مش مقدرة اللى انتى عملتيه ولا مقدرة انتى فين انتى فى امن الدولة وكاتبة مقال عن النظام يعنى بتعدى الخطوط الحمراء
سمر : انا معملتش حاجة انا بتكلم عن مظاهرة الدنيا كلها عارفة انها هتحصل وعلشان تسقط النظام
المحقق : انتى مدركة ان الكلام اللى بتقوليه ده لوحده قضية انا مش فى ايدى اى حد من مؤسسين المظاهرة دى لكن دلوقتى فى ايدى واحدة عايزة تعمل انقلاب على الحكم عارفة دى عقوبتها ايه

م 81 نهار \ خارجى امام مقر امن الدولة
احمد وصلاح وسمر خارجين من مقر امن الدولة
صلاح : اتفضلى يا هانم لينا كلام تانى بعدين وانت يا احمد مبتشوفش الكلام اللى هى بتكتبه طب انا مش موجود معاكو انت متنصحهاش ليه ولا الدكتور محمود كان فين هو كمان
احمد : انا غلبت معاها يا صلاح
صلاح : غلبت طب امشى قدامى بقيتو مركة مسجلة فى امن الدولة

م 82 نهار \ داخلى مكتب الوزير اسحاق غالى
ميرى امام الوزير اسحاق وفى يديها صورتين تعطى الاولى للوزير
اسحاق : اه فين التانى ( تعطى له الصورة التانية فينظر لها ينظر اليها يرى صلاح فيها )
مين ده انا بيتهيئلى شوفت قبل كده
ميرى : ده بقى حكايته حكاية صلاح سكر المحامى اهم محامى فى مصر فى القضايا اياها يعنى لازم سيدتك تكون شوفته محامى القضايا المهمة والتقيلة عمره ما خسر قضية
اسحاق : هايل انا عايز ولد حلانجى زى الولد ده علشان ائمن نفسى قانونيا قبل ما تتفتح عليا العيون الولد ده يكون عندى فى اسرع وقت
ميرى : بكره هيكون قدام سيدتك

م 83 ليل \ خارجى ريستروران شيك الزمالك
ريهام امام صلاح على طرابيزة فى منتصف الريستروان وامامهم العشا وفى الطرابيزة الخلفية جالسة ريهام تتناول العشاء

ريهام : بمناسبة ايه بقى العزومة دى بمناسبة الخطوبة اللى فات عليها شهر ولا بمناسبة انك بقالك كام يوم ولا بتسئل
صلاح : بكل المناسبات دى وحشتينى اسف على انشغالى عنك بس الشغل الجلسات وبحضر دفوع
ريهام : وايه تانى
صلاح : ايه تانى
ريهام : الستات اللى بتعرفهم
صلاح : يا حبيبتى منا قولتلك انا مبعرفش ستات ده شغل ( تضحك ميرى وتقوم وتتجه نحو طرابيزة صلاح وتقف بجواره )
ميرى : ايه ده صلاح دى صدفة سعيدة جدا
صلاح : دى صدفة منيلة جدا
ميرى : انت مش فاكرنى ولا ايه
صلاح : الحقيقة مش واخد بالى
ميرى : مش واخد بالك ايه انا ميرى عن اذنك يا هانم ممكن اخود استاذ صلاح دقيقة
( تاخذ ميرى صلاح بعيد وتنصرف )
ريم : ماشى يا صلاح

م 84 ليل \ خارجى ركن فى الرستوران
صلاح واقف بجوار ميرى
صلاح : انتى مين وعايزة ايه انا موقفى حرج جدا
ميرى : انا ميرى اللى قابلتك فى كفاية كوستا لما القهوة بتاعتى اتدلقت على الجاكت بتاعك ساعة المكالمة اياها افتكرت
صلاح : اه افتكرت
ميرى : انا عايزاك فى شغل
صلاح : بس انا مبقبلش اى شغل
ميرى : نفس نوع الشغل اللى انت بتقبله
صلاح : لو كده يبقى اوكيه
ميرى : حيث كده يبقى اتفقنا بكره الساعة 7 فى فيلا سيادة الوزير اسحاق غالى فى التجمع وده الكارت فيه العنوان ( تخرج ميرى كارت من حقيبتها ) ارجع بقى للهانم لحسن تكون اتضايقت من وجودى متنساش الميعاد
( يعود صلاح الى الطرابيزة يجد ريم غادرت المكان )

م 85 ليل \ داخلى ريسبشن فيلا الوزير اسحاق غالى
صلاح جالس يشرب القهوة فى انتظار الوزير وبجواره من بعيد الدفيديه على اغنية شخصية عنيدة اصالة ينزل الوزير الدرج وياتى الى الريسبشن يقف صلاح
اسحاق : اذيك يا صلاح
صلاح : الحمد لله معاليك
اسحاق : معلش اتاخرت عليك شوية عبال ما قدرت انزل
صلاح : ربنا يدى معاليك الصحة
اسحاق : اقعد يا صلاح ( يجلس صلاح ويجلس اسحاق ) انا اخترتك لمهمة خطيرة وانت اكفأ واحد ليها لانك مننا
صلاح : خير يا فندم
اسحاق : هتعرف كل حاجة انا هعرض عليك ملفات مكتوب عليها ممنوع اللمس الملفات دى وضعى القانونى فيها مش هو ومحدش فكر يراجع عليها او حتى يشوفها لحد دلوقتى لكن محدش ضامن الايام مخبية ايه الملفات دى صفقات حكومية ومنقاصات من الالف للياء تخص وزارة المالية وانا المسئول الاول عنها الملفات دى هتدرسها هنا وقدامى وهتصحح اوضاعها هنا قدامى وبره المكان ده انت مسمعتش ولا شوفت اى حاجة
صلاح : مفهوم يا فندم
اسحاق : لو خلصت المهمة دى يا بطل مكافاتك هتبقى مبلغ مسمعتوش من موكل قبل كده ولا هتسمعه بعد كده
تسع اصفار
صلاح : ده دولى بقى ( يضحك اسحاق )

م 86 نهار \ خارجى \ كافيتريا على النيل
صلاح جالس امام ريهام على طرابيزة بجوار كورنيش النيل مباشرة
صلاح : انا داخل على مرحلة هامة فى حياتى هتعوض فيه عن تعب وشقى كبير شفته فى حياتى هتعوض عن كل كعوبى اللى دابت فى المحاكم وهعوضك انتى كمان
ريهام : ولو انى مش فاهمة حاجة لكن ربنا يوفقك

م 87 نهار \ خارجى \ التحرير
مشهد لميدان التحرير يوم 25 يناير 2011

م 88 نهار \ داخلى \ مكتب صلاح
صلاح جالس على مكتبه وامامه الاوراق
صلاح : طب الحل ايه الحل ايه همام

م 89 نهار \ داخلى \ المكتب فيلا اسحاق
صلاح جالس امام اسحاق الجالس على مكتبه
صلاح : انا فيه حاجات وصلت فيها لحل وفيها حاجات تانية لسه بفكر فيها لحل
اسحاق : لازم بسرعة يا صلاح مفيش وقت قدامنا المظاهرات بدئت والوضع خطير والنظام فى خطر والرئيس اول حاجة هيعملها هيشيل الحكومة ولو اتشالنا خالص هيبتدى النبش ورانا
صلاح : مفهوم مفهوم

م 90 نهار \ خارجى \ ميدان التحرير
سحر تموت بطلق نارى فى ميدان التحرير لوجودها بجوار احد الشغب فى الميدان

م 91 نهار \ داخلى \ شقة ام صلاح
يدق الباب تفتح ام صلاح تجد شاب معه متعلقات سحر حقيبتها ملطخة بالدماء
الشاب : انا عايز اقول لحضرتك مش عارف ابدء منين لكن بنت حضرتك بطلة عظيمة وضحت بحياتها علشان البلد البقاء لله
الام : بـــــــــــــــــــــــــنـــــــــــــــــــــــــــــتــــــــــــــــــــــى

م 92 نهار \ داخلى \ مكتب صلاح
صلاح جالس على مكتبه يدخل احمد
صلاح : تعالى تعالى اقعد كويس انك جيت هروقك انهارده انا وصلت لنقطة مهمة فى قضية وهبسطك انهارده
احمد : صلاح سحر استشهدت فى المظاهرات كانت خارجة تتظاهر ضد الفساد اتضربت بالنار زى البلطجية زى الكلاب الضالة كل ده لانها قالت لا
( يتحول وجه صلاح 180 درجة من الفرح الى الحزن )

م 93 نهار \ داخلى \ شقة ام صلاح
يدق الباب يدخل صلاح تفتح ام صلاح يحضنها وهو يبكى مع موسيقى تصويرية ثم يدخلان الشقة
صلاح : انتى كنتى صح يا امى انا فوقت بس فوقت متأخر انا هصحح كل حاجة هكون مع الحق هاخد لسحر بتارها من كل فاسد فى البلد

م 94 نهار \ خارجى \ قهوة
يذاع بيان التنحى كل الجالسين على القهوة ينهضون مهلليين الله اكبر

م 95 نهار \ داخلى \ مكتب صلاح سكر
صلاح جالس على مكتبه وحوله يقف جميع المحامون بالمكتب
صلاح : كل واحد عارف هيعمل ايه
امجد : انت اللى هتقدم البلاغات للنائب العام بالمستندات
سالى انتى اللى هتودى الملف لباب شقة المذيع ده اللى اسمه حلمى عبد الواحد احنا عايزيين نقلب عليهم الراى العام وبشكل رسمى والباقيين عارفيين هما هيعملو ايه
المحامون : ايوة يا ريس
صلاح : على بركة الله

م 96 ليل \ داخلى \ تراس شقة صلاح
يكتب على الشاشة بعد مرور عدة اشهر
صلاح واقف فى التراس تدخل ريهام التراس وتقف بجواره
ريهام : الساعة 8 هتتاخر على البرنامج يا حبيبى
صلاح : حاضر يا حياتى انا هنزل اهو

م 97 ليل \ داخلى \ شقة ام صلاح
يفتح احمد التليفزيون والام وسمر ومحمود ينتظرون البرنامج بشغف
الام : هو البرنامج مبدئش ليه يا ولاد
سمر : هيبدء بعد الاعلانات علطول
الام : ربنا يوفقك يا ابنى يارب

م 98 ليل \ داخلى \ استديو برنامج بلدنا انهارده
صلاح جالس على الكرسى المقابل لكرسى المذيعة فى الاستديو
المذيعة : بعد ثورة 25 يناير وقف بالمرصاد فى وجه الفساد كان له اليد فى تطير البلد من كتير من الفاسدين من النظام البائد وبقايا النظام حتى النظام المنتخب البائد كان اول من سلط الضوء على فساده وكان شعلة ضوء لثورة 30\6 معايا ومعاكم الليلة صلاح سكر المحامى اهلا بيك
صلاح : اهلا بحضرتك
المذيعة : كنت منوه فى كل الصحف ووسائل الاعلام انك هتعلن مفاجاة خلال يومين ممكن نعرفها
صلاح : قبل اى شىء حابب اقول ازاى التلت سنين دول مرو على مصر كلها مفيش مصرى متأثرش نفسيا ومعنويا وماديا من ثورة 25 يناير غيرت فينا حاجات كتير عرفنا ان كل واحد فينا صوته مسموع وممكن يغير فبلده فنفسه فغيره وان ممكن الشخص اللى تكون شايفه دلوقتى ظالم وفاسد تكتشف بعدين انه شايف ابعد من مدى نظرك والعكس صحيح ممكن البرىء الشريف اللى ظاهرلك انه احسن انسان فى الكون يكون افسد انسان ممكن تعرفه فى حياتك قد ما اضيرنا من الثورة احنا استفدنا واللى يقولى لسه بنعتذب من الثورة فقر وبطالة بقالنا تلت سنين هقوله مفيش جرح بيخف من غير الم المعاناة قربت تنتهى ونرجع احسن من الاول احنا لاقينا نفسنا خلاص ومش هنتوه تانى حتى بعد ما صدمنا فى اول رئيس منختب الامل موجود ومفاجاتى هى انى ارشح نفسى لمنصب رئيس الجمهورية
المذيعة : ده خبر هاااايل بس المنافسة المرة دى اصعب منافسينك تقال
صلاح : مع احترامى لكامل المنافسين بس العز اللى هيشوفه المواطن فى عهد صلاح سكر مشفهوش فى اى عهد اخر انا قرارى للصالح العام علشان كل مواطن فى العالم يعرف اد ايه قدر المواطن المصرى فى عهدى
( يشير صلاح بيده الى الكاميرا اشارة رئيس ) مع تحياتى صلاح سكر

شكل مبسط للسيناريو بدون تقسيمات او اعمدة ليناسب الموقع ويسهل القراءة على القارىء الزائر للمجلة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى