حُبك حياة.. مياقة شعر العامية بقلم / حلمى قاسم من مصر

شعر عاميه

بقلم/حلمى قاسم على

“حُبك حياة”
*********

حُبك يا بلدى حيـــاة

من غيره والله نموت

كل اللى ضلك تاه

ماسكنش اى بيوت

كل اللى باعك هوى

فى حفرة النسيان

إنتى الطبيب والدوا

وقُلة العطشـــــان

مهما ســـافرت بلاد

ملاقتش يوم زيك

ولا دوقت ميه وزاد

تشبه حــــلا ميك

الطهر انتى الطهر

والعفه من ضيك

حُبك علينا فرض

مكتوب على قلوبنا

مانتيش مجرد ارض

ولا اسم فى كُتبنا

انتى اللى رملك دهب

وترابك الحنه

نيلك بطعم العسل

نابـــــع من الجنه

فى هواكى هايم هوم

عاشقك اديلى زمان

بهــــواكى سما ونجوم

ونخيل وليل سهران

وكلام قصــــــايد غُنا

يتغنــــى ع الالحنان

حُبك حقيقى حياة

حضن ودفا وامـــان
*******************
قلم /حلمى قاسم