خانقتني العبرة .. والقلب يبكي اليوم فاقد صبرة علي زول عيني .
نبكي علية بدموع .
ع اللي رحل معاد لية ارجوع.
يهمس وهمس فخاطري مسموع.
ويعطب في قلبي جرح مابا يبرا.
نتفكرا انقول كيف .
فلحظه ربيع العين صار خريف .
جفانا وما عقب وراه غير طيف .
وحال غايتي هي نلمحه بنظره.
نبكي انلوم الوقت.
ليش المصايب في طريقي سقت.
وحت السعاده طعمها ما ضقت.
نوقف بعد عثرة انجي في عثرة.
نبكي ملاني الياس .
وقلبي تأزم فات فيه الباس.
فاقد الحب ابديت والاحساس.
وكسر الخواطر كسر واعر جبرة.
