ط
مسابقة الشعر العامى

خجلان منك مكسوف,مسابقة الشعر العامى بقلم أسامة فؤاد حنا من مصر

لوجو المهرجان
اسامة فؤاد حنا
مصر
01202570880
شعر عامى

خجلان منك مكسوف
كلمات اسامة فؤاد حنا
تاه يا حبيبى الكلام
وضاعت منى الحروف
ومات جوايا السلام
وعرفت معنى الخوف
خجلان منك مكسوف
كنت باحبك واصونك
واتغيرت كل الظروف
ورجعت تانى اخونك
وعلى طيرغيرك الوف
خجلان منك مكسوف
وارجع من تانى ندمان
بعد ما الف واطوف
وكأن جوايا الاحزان
نار تاكل فى الجوف
خجلان منك مكسوف
العشاق واقفين صفوف
بيغنوا لك ع الدفوف
وانا قلبى لسه مدفون
ف التراب ع الرفوف
خجلان منك مكسوف
وكانى طفل كنت تايه
بيحضن امه ملهوف
فى الدنيا وحيد متحير
وبعنيكى بس يشوف
خجلان منك مكسوف
وابكى على الفراق
ودمعى صار مالوف
وتعبت من الاشواق
وبعت م السلام الوف
خجلان منك مكسوف
خلاص سماح النوبة
ومستعد ابوس الكفوف
ده ربنا قبل التوبة
ارجوك اعمل معروف
خجلان منك مكسوف

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى