ط
الشعر والأدب

راجع يارب لبابك … شعر (م .محمد الجوجرى

 

محمد الجوجرى
رجيتك يارب العِباد
وانا واقف على بابك
راجع لبيتك بعد البِعاد
حامل توبتى بأعتابك
حِملى تِقيل بِلا زاد
خايف من يوم حسابك
وبقول على الأشَهاد
طامع فى عَفوك وثوابك
ونويت أبطل عِناد
نفسى أكون من أحبابك
وآخد سكة الزهاد
مع سنة نبيك وكتابك
ويهدا برضاك الفؤاد
من عظمتك وجلالك
توبه نصوحه وجهاد
فى ضل نورك ورحابك
كفايه فى الأرض فساد
أنت بتحب اللى يهابك
محبتك نور ورشاد
وتقوى من غضبك وعذابك
رجيتك يارب الوداد
مستنى يارب جوابك
مُنايا تحقيق المراد
نفسى فى جنتك وشرابك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى