ط
الشعر والأدب

رسول الهوى ..قصيدة للشاعر/ رمضان العلالقة


رسول الهوى
~~~~~~
يا ريت يا شوق توصل لها
و تقول لها القلب بيكي بيتسم
راسم ملامح ضحكتي
لجل النبي
أوعاكي عني تبعدي
أنا كنت قبلك في الضياع
كنت بلعن في اللي باع
و صحيت قوام من غفوتي
يا ضي شمعة في سكتي
زهرة ربيع و طوق نجاة
مشيت معاه أخر المدى
نور الهدى حامل مشاعل
من أمل …. إيه العمل ؟
يا بدر حلق و اكتمل
نور سنيني كلها
سرسب معالم فرحتي
و نسيت جراح
تفرد قلوعها ع الوجع
بيكي الأسى كله أتنسى
أصبح فراغ
من بطن أرضي للفضا
و أدي الصباح
فتح عيونه و أبتسم
بقيت في حالة بعشقك
بس اللي الحقيقة مطلبي
أوعاكي مرة تغضبي
لازم تروقي و تفهمي
إني الصريح
بنطق كلامي من دهب
عايش في دنيا و العجب
إنك ملاك .. مش م النسا
~~~~~~~~~~
بقلم / رمضان العلالقة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى