ط
مسابقات همسهمسابقة الشعر

ست السيدات..مسابقه الشعر الحر..للشاعرة /آلاء عشرى

مسابقه الشعر الحر
………
قصيده “ست السيدات ”

الاسم ست السيدات
وانا كنت ف عيونها الجميله
ايوه انا ست البنات
السن كان 30 سنه
زايد عليهم كام سنه
ملكه جمال قلبي انا
المهنه ام
ام كانت لما تدعي
تتفتحلي ببان هنا
كانت ايديها الدافيه جدا
كلها طيبه وحنان
تترفع بالدعوه تتدن
لما تعبي ف يوم يبان
امي كان فيها اختلاف
مخلوقه يمكن من دهب
حتي لون الحبر جاف
وف قلمها جميل اوي
وبدون سبب
اما عن ضحكه عيونها
والملامح شئ محال
تلقي حد شبيه ف لونها
آيه كانت م الجمال
عاجزه فعلا وصفها
عن طيبه ماليه قلبها
كانت بتندهلي لؤه
اللحن غاب من بعدها
قبل الممات اتحولت من لون مريض
لو قلت قمره اتبدلت
تشبيه بسيط
اما انا
اما انا . انا خفت فجاءه
وساعتها ضاق صدري بخنقه
مالك يا امي كان سؤال
الرد كان طبت وخلاص
معرفش ليه حسيت خلاص
فعلا خلاص
الجنه ليها قريبه
الست كانت طيبه
من بعدها
حتي الشموس متغيبه
البسمه دابت والدموع
عالخد سايبه
وانا يومها كنت بشدها
قومى بقى متمثليش
والوصيه ياخلق كانت
ف الدموع متزوديش
انتى اقوى خلفه ليا الظن ده متخيبيش
وقالتلى راح ازورك حبيبتى متخافيش
من سنين مرت عليا
جاتنى يمكن مرتين
غيرهم مفيش
والباقى صوت
اخر زياره قريبه
كان بدر قاعد جوا حلمى كأنها
مشافتش موت
فدموع عنيا اتكلمت
فايديها ردت طمنت
فرميت بنفسى فحضنها
وكلامى كان كله سكوت
اخر المنام
حسيت كأنى بتسحب
والروح تموت
قمت فجأه
والدموع ف عنيا سابقه
غابت صحيح من دنيتى
بس روحها مش مفارقه
بس روحها مش مفارقه

#آلاء_عشرى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى