صابر أحمد عبيد/بور سعيد
٠١٠٦٨٥٨١٠٠٠
فئة العاميه بعنوان (سر الحياه )
القصيده
سر الحياه.
سارقه
قلبي من ضلوعي
سامعه
نبضات الحنين
دقه وبتعلن خضوعي
دقه وتسلم آمين
والهوي
سلم موسيقي
والأورطه
سليم سحاب
والصمام
دا مراد بوريقي
ينشد
(إبعتلي ف جواب )
والنغم
شريان وعازف
لحن
عذب وع الضفاف
والكورال
كان دم نازف
سيمفونيه
يوم زفاف
لسه باقيه ع المشاعر
وقت
لما الشوق يعافر
والقا
حضنك طير مسافر
والجناح
قلبي المهيض
والخيال
لو كان مريض
والحقيقه
سراب بغيض
فانتظام
النبض وهم
ويا قلب ف ليل جريح
وانكسار
الحب سهم
يقتل العشق الصريح
والأماني
صيف مهاجر
والشتا
بري الغريب
والخريف
قلبي اللي كافر
بالربيع لو كان حبيب
كل ده
من يوم ماغامر
قلبي بالحب الغريق
كان رهان
علي قلب غادر
سمه
من طعم الرحيق
والحيااااااااااه
لو كات تساوي
م السعاده ألف ميل
يبقي
عمري ميل مخاوي
ألف آهه وألف ويل
والشجن
لو كان قصايد
وانعدام
الشوق بريد
يبقي
فجر العمر قايد
ف انتظار
حبه الجديد
