ط
مسابقة الشعر العامى

سر الهداية .. مسابقة الشعر العامى بقلم / عبد الوهاب السيد عبد الوهاب من مصر

 

الاسم / عبد الوهاب السيد عبد الوهاب
الجنسية/ مصري ***** ت/ 009660502163003
01006366310
فئة الشعر / عامي
سر الهداية
**********
لسه فاكر البداية للهداية
لما رحت أشوف عروسة
قابلني أبوها بابتسامة
مختومة بختم الحصانة
فوق جبينه مكان سجوده
حبرها معلم علامة
وزي أبويا في الطيابة
قالي يابني إحنا عيلة
زي سبحة وللأمانة
باقي حبة وتبقى تامة
وإحنا حبة وأنت حبة
بس شرط تبقى شاري
وقبل ما نطق أي كلمة
بطرف عيني لمحتها
من بعيد وهي جاية
وفـ أيديها واجب الضيافة
زاي ملاك لابسة الحجاب
من نظرة واحدة أنا قلبى داب
قلت يارب تكون نصيبي
ودعوة أمي تستجاب
فاتت دقايق ….. بعدها
قامت ومشيت من سكات
رحت حالف ع الكتاب
إن أكمل بيها ديني
وإن أشيلها جوه عيني
وأفتح ليها جوه قلبي ألف
باب …
قام أبوها راح حاضنى
وقالي يابني ليا شرط
مهر بنتي يكون عبادة
ودبلتين فوقهم قصيدة
قلت عهد ودين عليا
إن أحافظ ع الفريضة
وإن أصلي الفجر حاضر
وتبقى عنوان القصيدة
دعوة امي وزوجة صالحة
هي دي سر الهداية
هي آية في السعادة

 

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى