…. ….. ….
الوطن مش كلمة نايمة
ع الورق بحروف تلاتة
الوطن مش حالة عامة
صابها احساس البلادة
الوطن له معنى اكبر
له تراب ف الارض عنبر
حبى ليه من غير ما افكر
حب واصل للعبادة
من المحيط لما لخليجنا
كل شبر فى ارضه جنة
الوطن باقى وحيبقى
بس محتاج اتحادنا
شمس دافية فى عز طوبة
نيل فرات دجلة العذوبة
الوطن صوت العروبة
صوت جمال لحظة مانادى
الوطن فى الاصل معنى
اقوى من كل المعانى
الوطن من الرب نعمة
مهما عشنا معاه نعانى
حضن ام وفيه حنانه
طبطبات اب وامانه
ضحكة الابن وعشانه
اغلا من العمر وزيادة
محمد ابو العبادى
