ط
مسابقة الشعر العامى

سكرات ..مسابقة العامية .بقلم / محمد العجمى من مصر

………………………………سكرات …………………………..
مشاركة قسم العامية / بقلم/ محمد العجمي. 01149843746
الشرقية/مصر
___________________________________
ساوو الصفوف واتوحدوا
ووحدوا
رب العباد وكبروا
سر الإله
ماشي فى ضحاه
بيمر ع الخلق الــ
كسولة الى افتروا
ياخد حقوق المولى
من أرض البشر
ويسيب ضيوف ع ال
أرض فيها تنتشر
الكل بعمل والكتاب
بيسجل الى بيتعمل
خيرك كتر
رزقك خلاص بتوزعوا
مالكاش نصيب فى قسمتك
حاسس بحاجه
مغرباك عن دنيتك
حاسس بإيد
جايه بحنين تتمدملك
يمكن يكون
هو القدر
بينفذ السر الإلهى
الى أمر
إسمع نغم
عزف الهداية على الوتر
الفجر دايماً
أشوفه صاحي بيرتجل
والليل ينادي المعتوهين
يتلموا فى عش البقر
كل الملايكة مفتحين
والكل لازم يتسأل
مهما بلغت من الإيمان
مانتاش نبى
مانتاش ولي
ولا انت فارس فى السما
يوم القيامة بتتعفى
تحمى الخطيئة من العقاب
او حتى تبقى في يوم وسيط
للي على حافة نيران المزنبين
معدوده ليهم من زمن
ياما نصحنا الأنبيا
ياما نعانا المفلسين
الى راعونا بالكلام
وكنا نتحرى الصمم
ان كنت فارد للظلام
جناحات أزاز
إعلم تمام العلم إنه
مسيرة مره هاينكسر
وإن كنت ناوى نيتك
تستر ولايا فى دنيتك
تكسب قلوب الطيبين
تبقى غيور على أمتك
راح تكسب الدنيا العزيزة
والوطن
يبقى فخور بعظمتك
حتى فى مماتك
راح تبقى راضي بأخرتك.
………………………………….

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى