ط
مسابقة الشعر العامى

سلام الله . مسابقة الشعر العامى بقلم / بسيونى عبد اللطيف ابراهيم من مصر

بسيونى عبداللطيف ابراهيم
الغربيه
خاص بمسابقة همسه للشعر العامى

سلام الله من الخاينين- وم اللايمين
ومن ارهاب عويل كداب
جبان ولعبن
صحيح معرفش تطلع مين-ولا انت منين
تكون أمريكى صهيونى ,أكيد لونك ماهوش لونى
ولونك شين
تكون قطرى تكون تركى
تكون شافعى تكون مالكى
تكون مسلم تكون شركى
تكون ما تكون يا مسخ لعين
ولا يهمش بشوفك مين
انا شايفك كاره اهلك
خسيس طبعك-ضعيف وحدك
ومن جهلك بتقتلنى باسم الدين
بتدارى فى مين يا حزين
هتقتل امه بالملاين
هتقتل امه بالملايين وانتوا فرض
يا خاينين للشرف والعرض
يا بايعين للوطن والارض
وقوفنا ضدكم بقا فرض
سلام الله على جيشنا وشرطتنا وكل مؤسسه فيكى
سلام الله على عريشنا ولا يحوشنا بروحى يا مصر افديكى
سلام الله يا كل شهيد وكل وليد مضحى بعمره لعنيكى
يا غاليه يا مصر
يا غاليه يا مصر – ولا يهمك
رصاص الغدر بيصيك- انا هضمك
وهفرد فى الهوا شراعى- وبدراعى هشيل همك
وعمر الغدر ما يصيبك- م انا حبيبك – ومن دمك
ولا يهمك – دا رب العرش قال عنك
ادخلوها آمنين
دا يطلع مين
اللى يغير كلمه رب العرش قررها
واللى بيقتل جندى من جنود النبى اختارها
وخيرها- وقدرها
معندوووووووش دين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى